यॊहनस 1:26 - पुना गच्छरना NT (BSI)

²⁶ ख़ने यॊहनस आनाकिर्ताचस, “ऎन गा अम्मु ती नॊड़रत'अदन, लिकिन निम्‍है मझी नू इसन ओर्तोस र'अदस, आसिन नीम बलदर।

यॊहनस 1:26 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मत्तायोस 3:6

असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

मरकुस 1:8

ऎन गा निमन अम्मु ती लेका नॊड़रत'अदन, लिकिन आस निमन नेम्‍हा बॊलतस ती नन्ना घत्त नू नॊड़त'ओस।”

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

यॊहनस 16:3

आर इबड़न इदगे ननोर, एन्‍देरगेका आर बंगासिन हूँ बलनर अरा एंगन हूँ बलनर।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 8:19

तहाँ आर येसुसिन मेंजर, “एसन र'अस निम्‍बस?” ख़ने आस बाचस, “नीम ऎन नॆ हिकदन महले एम्‍बस नॆ हिकदस अदिन बलदर। लिकिन नीम एंगन अक्कर होले, एम्‍बासिन हूँ अख़'ओर दने।”

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

त‍इरकर 11:16

तहाँ एंगा उर्बासी बाचका आ कत्‍था सुरता बरचा, ‘यॊहनस अम्मु ती नॊड़रत'आ लगियस लिकिन नीम नेम्‍हा बॊलतस ती नॊड़तार'ओर।’

त‍इरकर 19:4

पौलुस बाचस, “आस तंग्‍है ती ख़ॊख़ा बर'ऊ येसुसिन पत्त'आ गे आलारिन बाचस ती जियन किर्त'आ गे नॊड़रत'आ लगियस।”

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।