यॊहनस 1:16 - पुना गच्छरना NT (BSI)

¹⁶ अरा आसी मया ही निंद्रका ती नाम ओर्मत आसीस ही म‍इय्याँ आसीस ख़क्‍खकादत।

यॊहनस 1:16 ပူးပေါင်းရင်းမြစ်များ

मत्तायोस 13:12

एन्‍देरगेका नॆ एंग्‍है सिखाब'अना ही पत्त नू चिहुंक लग्‍गे सोचनर आर गे बग्‍गे बुझुर'आ गे धर्मेस संगरा ननोस, अरा आर बग्‍गे लूर ख़क्‍खोर, लिकिन नॆ एंग्‍है सिखाब'अना ही पत्त नू चिहुंक लग्‍गे मल सोचनर, आर ही बुझुरका जोक्‍क कत्‍था गुट्ठिन हूँ धर्मेस मॊधरत'ओस चि'ओस।

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मत्तायोस 3:14

लिकिन यॊहनस एन्ने बाचस ती छेंकचस, “एंगा गा निंग्‍है ती नॊड़रना ही चाड़ र'ई अरा नीन एंग्‍है गुसन बरचकादय।”

लू‍कस 21:15

एन्‍देरगेका ऎन निमन एन्ने ब'अना अरा लूर चि'ओन का निम्‍है जम्मा बैरिर निम्‍है बिड़दो नू खंडा अरा इज'आ पोल्‍लोर।

यॊहनस 3:34

नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

रोमी 5:17

ओर्त आलस पाप नंजस, ई ओर्त आलस चड्डे खे'अना ओर्मा आलर म‍इय्याँ राजी नंजा। लिकिन एका ओर्तर एका बग्‍गे धर्मेसी भरपूर मया अरा आसी इनाम ही उजगो आबोन ख़क्‍खनर, आर मानिम नू मानी उज्जनन ख़क्‍ख्रकी ओर्त आलस येसु मसीस ती राजी ननोर।

रोमी 5:2

येसुस नमन नम्‍है पत्त'अना चड्डे ई पुना नता नू ओन्‍द्रकादस एका इय्या नाम धर्मेसी मया आबोन लखदत। धर्मेस आसी महबा आबोन नमा गे ख़ट्टोस, ई असरा ती नाम रिझ्रदत।

रोमी 5:20

आलर तमन एवंदा पपहा र'अनर अदिन अख़'आ गे आर गे धर्मेसी पॆसका चितारा। लिकिन आलर अउरिम कोड़हे पाप नंजर अरा धर्मेसी मया हूँ कोड़हे मंजा।

रोमी 8:9

लिकिन नीम पाप मॆद सुबहा ही तबे नू मल र'अदर। अरा धर्मेसी बॊलता निम्‍है नू मड़'ई होले, नीम बॊलतस ही तबे नू र'अदर। एका ओर्तस नू मसीसी बॊलता मलकी होले आस मसीसी मलदस।

इफेसुस 1:23

आ कलीसिया दिम मसीसी मॆद लेक्खा र'ई। ईद उर्मी अड्डा नू उर्मी नू तंग्है र'अना ती निंद'ऊ मसीस ती निंदका र'ई।

इफेसुस 3:19

अरा नीम मसीसी चोन्‍हन अख़दर नेकअन, एकदा अख़ना लूर ती गेच्‍छा र'ई। ई लेक्‍खा नीम धर्मेसी उर्मी लेक्खा निंदका ती निंद्रदर नेकअन।

कोलोस्से 1:19

एन्‍देरगेका धर्मेस तंग्है उर्मी निंद्रका आस नू ओक्कर'आ गे बिद्दियस।

कोलोस्से 2:3

उर्मी लूर अरा अक्किल मसीस नू नूख़्रकी र'ई।

1 पतरस 1:11

मसीसी बॊलता आर ही नू रहचा, अरा आरिन तिंगिया का एकासे मसीस दुक्‍खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।