यॊहनस 1:14 - पुना गच्छरना NT (BSI)

¹⁴ अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:14 ပူးပေါင်းရင်းမြစ်များ

मत्तायोस 1:16

याकॊबस यॊसॆफसी तम्‍बस। यॊसॆफस मरियम ही तंग्‍आलस। मरियम येसुसी तंग्यो। येसुसिन मसी ब'अनर।

लू‍कस 2:11

इन्‍ना दाऊद बॆलासी नगरे नू निमन बछाब'‍उस कुन्‍द्रकादस, आसिम मसी उर्बस।

लू‍कस 9:32

पतरस अरा आसी संगेर ख़न्‍द्रना ती मथलारका रहचर, अरा निजड़ियर ख़ने, आर येसुसिन महबा गने ईरयर अरा आसी गने ऎंड़ आलारिन इज‍का ईरयर।

यॊहनस 1:1

ऒरे नू कत्‍था रहचा, अरा आ कत्‍था धर्मेस गने रहचा, अरा आ कत्‍था धर्मेस रहचस।

यॊहनस 11:40

येसुस अदिन बाचस, “ऎन निंगन नीन पत्त'ओय होले धर्मेसी महबन ऎरोय एन्ने मल बाचका रहचकन का?”

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 14:9

येसुस आसिन बाचस, “फिलिप्‍पोस, ऎन एन्ने उल्‍ला गूटी निम्‍‍है गने रहचकन, अन्नु हूँ अक्‍कु गूटी नीन एंगन बलकय का? नॆ एंगन ईरकादस, आस बंगासिन हूँ ईरकादस। होले नीन एन्‍देरगे ब'अदय, ‘बंगासिन एमन ऎद'आ’?

यॊहनस 17:22

अरा एकन्ने नाम ओंटम र'अदत अन्नेम आर हूँ ओंटम मना गे नीन एंगा चिच्का महबन ऎन आर गे चिच्‍कन।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

यॊहनस 18:37

ख़ने पिलातुस बाचस, “होले नीन बॆलय का?” येसुस आनाकिर्ताचस, “नीन ब'अदय का ऎन बॆलन। मानिमन आलर गे तेंगा गे ऎन कुन्‍द्रकन अरा ख़ॆख़ेल नू बरचकन, एका ओर्तस मानिम गे र'अदस, आस एंग्‍है मेन्‍दस।”

यॊहनस 2:11

ईद दिम येसुस नंजका पहिल अजगुत नलख ही चिन्‍हा हवे। इदन आस गलिलेया जिला ही काना पद्दा नू नंजस। ई लेक्‍खा आस तंग्‍है महबन ऎदस। अरा आसी चेलर आसी नू पत्ताचर।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 3:18

नॆ धर्मेसी ख़द्दस नू पत्त'अदस, आस गे दंडे ही नेंव‍ई मल मनी। लिकिन नॆ आस नू मल पत्त'अदस, आस गे दंडे ही नेंव‍ई मंज ख़च्‍चकी र'ई, एन्‍देरगेका आस धर्मेसी ओर्त लेका ख़द्दासी नामे नू मल पत्त'अदस।

यॊहनस 6:51

मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

यॊहनस 8:32

अरा नीम मानिमन अख़'ओर, अरा मानिम आबो निमन छछिन्‍द ननो।”

त‍इरकर 13:33

आस येसुसिन केचका ती उज्‍जताचस चॊदस ती आसी ख़द्दर नमा गे आ गच्‍छरकन मानिम नंजस। एकासे का दाऊदसी दोसर डंडी नू लिख्रकी र'ई, ‘नीन एंग्‍है ख़द्दय, इन्ना ऎन निंग्‍है बंग मंजकादन।’

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

रोमी 9:5

आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।

1 कोरिन्‍थ 15:47

पहिल आलस ख़ॆख़ेल ता हिकदस ख़ज्‍जो ती कम्रकादस। दोसर आलस मसीस मेर्ख़ा ता हिकदस।

2 कोरिन्‍थ 12:9

लिकिन उर्बस बाचस, “एंग्‍है मया निंगा गे नीन्द्रकी र'ई, ईगेका निंग्है पयहा नू एंग्‍है सवंग दौलेम नलख ननी।” औंगे अक्कु ऎन एंग्है पयहा गुट्ठी ही पत्त नू कोड़हे रिझ ती फुलई मनोन। ख़ने मसीसी सवंग एंग्हा नू नलख नना ऊंगी।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

कोलोस्से 1:19

एन्‍देरगेका धर्मेस तंग्है उर्मी निंद्रका आस नू ओक्कर'आ गे बिद्दियस।

कोलोस्से 2:3

उर्मी लूर अरा अक्किल मसीस नू नूख़्रकी र'ई।

कोलोस्से 2:9

एन्‍देरगेका मसीस नू धर्मे बारना ही उर्मी आलॊ आल रूपे नू मड़चकी र'ई।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 1:5

धर्मेस गा एक‍अम मेर्ख़ा पैकर ती इकल‍अम मल बाचस, “नीन एंग्‍है ख़द्दय, इन्ना ऎन निम्‍है बंग मंजकादन।” अरा अउर हूँ मल बाचस, “ऎन आसी बंग मनोन, अरा आस एंग्‍है ख़द्दस मनोस।”

इब्रानी 10:5

इदगेम येसुस ख़ॆख़ेल नू बरना बेड़ा नू धर्मेसिन बाचस, “दाँड़े अरा दान गुट्ठिन नीन मल बिद्दकय, लिकिन एंगा गे ओन्‍टा मॆदन दाँड़े अरग'आ गे सपड़ाचकय।

इब्रानी 2:11

येसुस एकास आलारिन नेम्‍हा नन्‍दस अरा नॆ नेम्‍हा नन्‍तारनर, अबड़ा ओर्मर ही बंगस ओन्‍टेम र'अदस। औंगे येसुस गे आरिन तंग्‍है भ‍ई ब'आ गे लज्‍जे मल मनी।

इब्रानी 5:5

अन्नेम मसीस हूँ कोहाँ नैग मन्ना ही म‍ईन आबोन तंग्‍है ती मल होच्‍चस। लिकिन धर्मेस आसिन चज्‍जियस। धर्मेस आसिन बाचस, “नीन एंग्‍है ख़द्दय, इन्ना ऎन निंग्‍है बंग मंजकादन।”

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

1 यॊहन 4:9

धर्मेस तंग्है ओन्टे लेका ख़द्दासिन ख़ॆख़ेल नू इदगे तइय्यस का नाम आसी ती जमनजुग उज्जनन ख़क्खा ओंग्दत। इत्रु धर्मेस नम्है मइय्याँ मंजका चोन्हन दहदर नंजस।

2 यॊहन 1:7

ई ख़ॆख़ेल नू बग्गे भुरइ'ऊ आलर चॊचका र'अनर, आर मल पत्त'अनर का येसु मसीस आल कया नू मंजस ती ख़ॆख़ेल नू बरचस। ईरिम भुरइ'ऊ अरा ठकवा मसी हिकनर।

दहदर मंजका कत्‍था 19:13

अरा आस ख़ॆंस छिंछड़ाचका किचरी कूरकाचस, अरा आसी नामे “धर्मेसी कत्‍था” हवे।

दहदर मंजका कत्‍था 21:3

फेन ऎन बॆल-गदिया ती एन्ने ब'अना ओन्टा जॊरसरिया ब'अनन मेजकन, “ऎरा, अक्कुन धर्मेसी डेरा आलर मझी नू र'ई। आस आर ही गने डेरा ननोस अरा अबड़र आसी आलर मनोर। अरा धर्मेस तानिम आर ही गने र'ओस ती आर ही धर्मे मनोस।