यॊहनस 1:10 - पुना गच्छरना NT (BSI)

¹⁰ आस ख़ॆख़ेल नू रहचस। अरा ख़ॆख़ेल आस तिम गढ़रा, अन्नु हूँ ख़ॆख़ेल आसिन मल चिन्‍हचा।

यॊहनस 1:10 ပူးပေါင်းရင်းမြစ်များ

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

यॊहनस 1:11

आस तंग्‍है आलर गुसन बरचस, अन्नु हूँ तंग्‍है आलर आसिन मल इंझ्रर।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 1:3

उर्मी आलॊ आसी तिम गढ़रा, अरा गढ़्रका ती ओन्‍टा हूँ आसी बिगर मल्‍ला गढ़्रका।

यॊहनस 1:5

अरा आ बिल्‍ली ऊख़ा नू बिल्‍ची, अरा ऊख़ा अदिन तेभ'आ पुल्‍ली।

यॊहनस 17:25

अना उजगो बंगायो, ख़ॆख़ेल निंगन बल्‍ली, लिकिन ऎन निंगन अक्‍कन। अरा नीन एंगन तइय्कय एन्ने ईर हूँ अक्‍खर केरर।

यॊहनस 5:17

लिकिन येसुस आरिन बाचस, “एम्‍बस इन्ना गूटी बिगर ख़न्न ऎख़्रका ती नलख नना लग‍दस, अरा ऎन हूँ नलख नना लगदन।”

त‍इरकर 14:17

अन्नु हूँ आस तंग्है दौ नलख ती तंग्‍है पत्त नू गोवाह चि'अदस। आस मेर्ख़ा ती चॆप पुंइत'अदस अरा बॆस बरखा ती खितिन बने मन्‍त'अदस। अरा आस निम्‍है जियन ओन्ना-मॊख़ना अरा रिझ्रना नू निन्‍दत'अदस।”

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

1 कोरिन्‍थ 2:8

लिकिन इदन ई ख़ॆख़ेल ता राजी ननुर नॆ हूँ बल्‍लर। आर अक्‍का होले महबा ती निन्‍द्रका उर्बासिन क्रुस नू मल ठोक'ओर दने।

1 कोरिन्‍थ 8:6

अन्नु हूँ नमा गे ओन्‍टे लेका धर्मे बंगस र'अस, आस तिम उर्मी गढ़रा, अरा आस गेम नाम उज्‍जा लगदत। अरा नमा गे ओन्‍टे लेका उर्बस र'अस, आस दिम येसु मसीस, आस तरतिम उर्मी गढ़रा, अरा आस तरतिम नाम उज्‍जा लगदत।

कोलोस्से 1:16

एन्‍देरगेका आस तिम उर्मी आलॊ गढ़रा। मेर्ख़ा ता अरा ख़ॆख़ेल ता उर्मी, ऎथ्रना अरा मल ऎथ्रना उर्मी, बॆल-गदिया गुट्ठी मलता सवंग गुट्ठी, अक्स'उर मलता अदिया गुट्ठी उर्मी आस तिम अरा आस गेम गढ्रकी र'ई।

इब्रानी 11:3

पत्त'अना ती नाम बुझुरदत का गोट्टा सौंसेन धर्मेस तंग्‍है कत्‍था ती पॆस्रका ती गढ़चस। अरा एन्ने मला का ऎथ्रना नू बर'ई इबड़ा उर्मी ईरका आलॊ गुट्ठी ती कम्रकी र'ई।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।