याकॊब 5:9 - पुना गच्छरना NT (BSI)

⁹ अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।

याकॊब 5:9 ပူးပေါင်းရင်းမြစ်များ

मत्तायोस 24:33

इकला नीम इबड़ा उर्मी कत्‍थन एन्ने मन्नुम ऎरोर, निमा अख़ना र'ई का एंग्‍है बरना हेद्दे र'ई।

मरकुस 13:29

इकला नीम इबड़ा कत्‍थन एन्ने मन्नुम ऎरोर, निमा अख़ना र'ई का एंग्‍है बरना हेद्दे र'ई।

मरकुस 6:19

लिकिन हॆरॊदिया यॊहनसिन अउरिम बदला हो'आ गे पिटत'आ बिद्दिया, लिकिन अदही ती एन्ने मना पोल्‍ला। एन्‍देरगेका हॆरॊदॆस आसिन जेहेल नू बछाब'अरकी उइय्‍यस।

1 कोरिन्‍थ 10:11

नमा गे चेताब'अना लेक्‍खा इबड़ा उर्मी कत्‍था गुट्ठी आर गे मंजा। अरा ख़ॆख़ेल ही मुंज्रना बेड़ा नू र'अदत, नमा गे इबड़ा कत्‍था तिगाब'आ गे लिख्रकी र'ई।

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

2 कोरिन्‍थ 9:7

औंगे ओर्मर तान तंग्है जिया नू चि'आ गे एकासे तिगचकानर अन्नेम दान चि'अना र'ई, कुटमुटर'आ ती मला अरा बड़पेलहा ती मला, एन्‍देरगेका रिझ ती चि'उरिन धर्मेस चोन्‍हा नन्दस।

गलातिया 5:14

एन्‍देरगेका सौंसे नॆग ई ओन्‍टे पॆसका नू मंज ख़च्‍चिया, “नीन निंग्‍है अरबर-परबर गने निंग्‍है बेसे चोन्‍हा नना।”

गलातिया 5:26

नाम फुल‍ई अम्‍बोत मना, अरा ओर्त ओर्त नू अम्‍बोत अम्‍बर नख्र'आ, अरा ओर्त ओर्त नू कैर कुचर अम्‍बोत मंज नख्र'आ।

याकॊब 4:11

अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।

याकॊब 4:12

धर्मेस ओर्ते गुना पॆसकन चि'उस अरा नेंवई ननुस र'अदस। आसिम नमन बछाब'आ गे अरा पिटा गे सवंगिय र'अदस। लिकिन निंग्‍है अरबर-परबारिन नेंवई नना गे नीन एका ओर्तय?

याकॊब 5:10

अना भईरो, उर्बासी नामे नू कछनख्रका धर्मेसी कत्था तिंगुर ही पत्त नू सोच'आ। आर ख़तिर गने सस्‍ती चॊद'आलियर। इदन नीम ओन्टा नमुना अख़'आ।

याकॊब 5:7

औंगे अना एंग्है भईरो, उर्बासी किर्रना गूटी खतिर नना। ऎरा, एकासे ख़ल्ल उर्बस तंग्‍है कोड़हे दामे ही खिती मना गे पहिल बरखा ती छेद्दे बरखा गूटी खतिर नन्दस।

1 पतरस 4:5

लिकिन सुरता उइय्या का एकास केचका अरा उज्जना आलारिन नेंवई नना गे सपड़ारका र'अदस आस गे आर लेखा चि'अना र'ओ।

1 पतरस 4:9

बिगर कुनमुनर'आ ती ओर्त ओर्तारिन पाही ऎरा।

दहदर मंजका कत्‍था 3:20

ऎरा, ऎन बली मुन्दहारे इज्‍जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्‍है गने ओनोस मॊख़'ओस।