याकॊब 5:7 - पुना गच्छरना NT (BSI)

⁷ औंगे अना एंग्है भईरो, उर्बासी किर्रना गूटी खतिर नना। ऎरा, एकासे ख़ल्ल उर्बस तंग्‍है कोड़हे दामे ही खिती मना गे पहिल बरखा ती छेद्दे बरखा गूटी खतिर नन्दस।

याकॊब 5:7 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

मत्तायोस 16:28

ऎन निमन मानिम ब'अदन, अक्‍कुन इसन इज्जका आलर ती जोक्‍कोर मनवा ख़द्दन ऎन बॆल लेक्‍खा किर्रनन बिगर ईरका मल खे'ओर।”

मत्तायोस 24:27

एकन्ने का बिजली लौकारना पुरुब तरती उरखी ती पच्छिम तरा हूँ लौकर'ई, अन्नेम ऎन मनवा ख़द्दासी बरना हूँ मनो।

मत्तायोस 24:44

औंगे नीम हूँ सपड़ारका र'आ, एन्‍देरगेका एकाबारी नीम सोच'आ हूँ मल सोचदर आ बेड़ा नू मनवा ख़द्दन ऎन बर'ओन।

लू‍कस 18:8

ऎन निमन ब'अदन, आस लॆम आरिन नेंव‍ई ननोस। अन्नु हूँ मनवा ख़द्दन ऎन इकला फिन बर'ओन, आ बारी ख़ॆख़ेल नू एंगन पत्त'ऊ आलारिन ख़क्‍खोन का?”

लू‍कस 21:27

फिन उर्मी आलर मनवा ख़द्दन एंगन बदाली नू बरनन ऎरोर। अरा एंगा ख़ॆख़ेल ता आलारिन राजी नना गे कोड़हे महबा अरा आकुस मनो।

लू‍कस 8:15

अरा जोक्‍क आलर बिहनी खत्रका दौ ख़ॆख़ेल लेक्‍खा हिकनर। आर कत्‍थन मेन्नर ती सत अरा फरी जिया नू सम्ड़'अरकी उइय्नर अरा सहेलहे गने ख़ंजनर।

यॊहनस 21:22

ख़ने येसुस आसिन बाचस, “ऎन आसिन एंग्‍है किर्रना गूटी आस उज्‍जा गे ऎन बेद्ददन होले, इत्रु निंगा एन्‍देर? नीन एंग्‍है ख़ॊख़ा गुड़ियार'आ।”

यॊहनस 21:23

औंगे ई कत्‍था पत्त'उर ही नू बींड़रा केरा का आ चेलस मल खे'ओस। लिकिन येसुस एन्ने मल बाचका रहचस का, आस मल खे'ओस। आस एन्ने लेका बाचस, “ऎन आसिन एंग्‍है किर्रना गूटी आस उज्‍जा गे ऎन बेद्ददन होले, इत्रु निंगा एन्‍देर?”

रोमी 15:4

ऎ बग्‍गे कत्‍था मुन्‍द लिख्रकी र'ई अबड़ा नमा सिख्र'आ गेम लिख्रकी र'ई। नेम्‍हा पुथी नमा गे कयास दरा रिझ्रनन चि'ई। होले नाम असरा नना ओंग्दत।

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

1 कोरिन्‍थ 1:7

औंगे नम्‍है उर्बस येसु मसीसी किर्रना ही पाब ईरु आलर नीम एकअम बॊलता ही इनाम नू खंगती मल मन्‍दर।

गलातिया 5:5

एन्‍देरगेका ऎम गा नेम्‍हा बॊलता ती पत्त'अना गने धर्मेस नमा गच्छरका उजगो ख़क्‍खा गे पाब ऎरदम।

गलातिया 6:9

नाम दौ नलख नना गे अम्‍बोत ख़ड़दन नेकअन। अरा नाम अन्नेम नना गे बड़ियर मन्नुम क'ओत होले, नाम ठौका बेड़ा नू ख़ोयोत।

कोलोस्से 1:11

अरा धर्मेस तंग्है कोड़हे सवंग ही लेक्खा उर्मी सवंग गने निमन बड़ियर कम'ओस, होले नीम उर्मी रकम ही सहना अरा खतिर नन्नन ख़क्खोर,

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

1 थेस्‍सलोनिकॆयर 2:19

एन्‍देर एमा असरा अरा रिझ चि'ई अरा नम्‍है उर्बा येसुसी बरना बेड़ा नू आसी मुन्‍दहारे एम्‍है महबा ही मुकुट एन्‍देर र'ओ? नीम मलदर का?

1 थेस्‍सलोनिकॆयर 3:13

इकला नम्‍है उर्बा येसुस तंग्‍है उर्मी नेम्‍हा आलर गने बर'ओस, आस नम्‍है धर्मेस अरा बंगस ही मुन्‍दहारे नीम बिगर बदी ही आलर अरा नेम्‍हा आलर र'आ गे निम्‍है जियन बड़ियर नन्‍दस नेक‍अन।

इब्रानी 6:15

तहाँ अब्राहमस खतीर नंजका ती पाब ऎरना ही ख़ॊख़ा तंगा गे गच्‍छरका आबोन ख़क्‍खियस।

याकॊब 4:11

अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।

याकॊब 5:10

अना भईरो, उर्बासी नामे नू कछनख्रका धर्मेसी कत्था तिंगुर ही पत्त नू सोच'आ। आर ख़तिर गने सस्‍ती चॊद'आलियर। इदन नीम ओन्टा नमुना अख़'आ।

याकॊब 5:3

निम्‍है सोना अरा चांदी मुरछारा केरा। अरा इदही मुरछा निम्है बिड़दो नू गोवाह चि'ओ, अरा ई मुरछा चिच्ची लेक्खा निम्है मॆदन मॊख़ो चि'ओ, एन्देरगेका नीम निम्है खुर्जिन दौ गे मल बउराचकर। ईद ई जुग ही मुंजुरना उल्ला एन्ने अख़ना ती हूँ नीम खुर्जी बॆन्दका र'अदर।

2 पतरस 3:4

अरा आर ब'ओर का, “येसुस अउर बर'ओन एन्ने मल गच्छरका र'अदस का? फेन एसन आस र'अस? एन्देरगेका नम्है पूरखर केचका बेड़ा ती अक्कु गूटी ख़ॆख़ेल गढ़्रना ही ऒरे नू रहचका लेक्खम उर्मी र'ई।”