याकॊब 5:5 - पुना गच्छरना NT (BSI)

⁵ नीम ख़ॆख़ेल नू सुख-सौंरत भोगचकर अरा निम्है उर्मी मनेन पूरा नन्ना ती सुक्खे उज्जकर। अरा नीम निम्है जियन पलचकादर, लिकिन एन्देर नीम बलदर का नठारना ही उल्ला हेद्देम अंड़सकी र'ई?

याकॊब 5:5 ပူးပေါင်းရင်းမြစ်များ

लू‍कस 16:19

ओर्त उरुब आलस रहचस। आस लेपलेप अरा बग्‍गे दामी किचरी गुट्ठिन अत्तालियस ती उर्मी उल्‍ला सुख-सौंरत गने उज्‍जालियस।

लू‍कस 16:25

लिकिन अब्राहमस बाचस, ‘अना ख़द्द, सुरता नना नीन निंग्‍है उज्‍जना ही बेड़ा नू निंग्‍है दौ जिनिसन ख़क्‍खा चुकुरकय, अन्नेम लाजरस मलदौ जिनिसन ख़क्‍खियस। लिकिन अक्‍कुन आस इसन जिया सालना ख़क्‍खालदस अरा नीन गा कलपार'आ लगदय।

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

1 तीमोथियुस 5:6

लिकिन एका रड़ियाही ख़ॆख़ेल ता सुख-सौंरतन पत्तार‍'ई होले, आद उज्‍जनुम उज्‍जनुम किच्‍चकी र'ई।

2 तीमोथियुस 3:4

अरा आर दगा चि'ऊ, हुड्ड ननू, मनचड़हा, अरा धर्मेसिन मला लिकिन सुख-सौंरतन दिम बिद्दू मनोर।

2 पतरस 2:13

आर नंजका उजगो मलका नलख गुट्ठी ही ऊजी नू धर्मेस आर गे दंडे चि'ओस। आर उल्ला बेड़ा नू हूँ मलदौ मदी गुट्ठी ती रिरयार'आ गे कोड़हे बेद्दनर। आर टिकला अरा लज्जे मलका लेक्खा हिकनर का आर निम्है गने मदी गुट्ठी नू ओन्ना उर्मी बेड़ा नू निमन लज्जे मॊख़त'ओर।

यहूदा 1:12

इबड़ा आलर नीम पत्त'ऊ आलर ख़ॊंड़र'अरकी ओन्ना-मॊख़ना मदी गुट्ठी नू बिगर मईन ती निम्है गने ओन्नर मॊख़नर ती निम्है संगती नू ओक्कनर। ईर समुदर नू मुलख़का चचड़ी लेक्खा नूखरका भयभयान र'अनर। ईर तम्है दौ आबोन लेका बिद्दू हिकनर। ईर बिगर पुंइना बदाली गुट्ठी लेक्खा र'अनर, एकदन ताका उढि'ई हुं'ई। ईर अतख़ा खतरका, बिगर ख़ंजना, केचका, अरा पादा ती चडरका मन्न गुट्ठी लेक्खा र'अनर।

दहदर मंजका कत्‍था 18:7

एवंदा आद तंगन मईन नंजा ती सुख-सौंरत गने उज्जकी र'ई, औंदम अदगे डाहरना अरा ख़ोदख़रना चि'आ, एन्‍देरगेका आद तंग्‍है जिया नू ब'ई, ‘ऎन बॆलनी मंजकी र'एन, ऎन रड़ियाही मल्लेन, ख़ोदख़रना नू इकला हूँ मल खत्र'ओन।’