याकॊब 5:3 - पुना गच्छरना NT (BSI)

³ निम्‍है सोना अरा चांदी मुरछारा केरा। अरा इदही मुरछा निम्है बिड़दो नू गोवाह चि'ओ, अरा ई मुरछा चिच्ची लेक्खा निम्है मॆदन मॊख़ो चि'ओ, एन्देरगेका नीम निम्है खुर्जिन दौ गे मल बउराचकर। ईद ई जुग ही मुंजुरना उल्ला एन्ने अख़ना ती हूँ नीम खुर्जी बॆन्दका र'अदर।

याकॊब 5:3 ပူးပေါင်းရင်းမြစ်များ

त‍इरकर 2:17

‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।

रोमी 2:5

लिकिन नीम निम्‍है ढ़िट्ठी अरा पाप नन्नन मल अम्‍बना चड्डे धर्मेसी ख़ीस ऎदना ही उल्‍ला नू अउर हूँ कोड़हे दंडे बेंददर। आ उल्‍ला नू ओर्मर धर्मेसी ठौका नेंवई नन्नन ऎरोर।

2 तीमोथियुस 2:17

आर ही सिखाब'अना पोच्‍चना खादी लेक्‍खा बखलारनुम क'ओ। हुमेनयुस अरा फिलॆतोस हूँ आ मदहे दिम हिकनर।

2 पतरस 3:3

उर्मी ती मुन्द नीम इदन अख़'आ गे बेद्ददन का, छेद्द उल्ला गुट्ठी नू निंदा ननरकी अलखू आलर बर'ओर, आर मानी आबोन निंदा ननरकी अलख़ोर अरा तम्है तम्है मलदौ चिबाख़ारना नू ऎकोर।

दहदर मंजका कत्‍था 17:16

अरा आ मेक्‍खो अरा एका दस मरग आबोन नीन ईरकय, अबड़ा आ बेस्वन ख़ाँड़'ओ। अरा अबड़ा अदिन लंगड़ी ननो ती लज्जे मॊख़त'ओ। अरा अबड़ा अदही अहड़न मॊख़ो अरा अदिन चिच्‍ची नू बस्‍सो चि'ओ।

दहदर मंजका कत्‍था 20:15

अरा एका एका ओर्तासी नामे उज्‍जना ही पुथी नू लिख्रका मल ख़क्‍खरा, आस चिच्‍ची ही समुदर नू हेबड़तारस केरस।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”