याकॊब 5:16 - पुना गच्छरना NT (BSI)

¹⁶ औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।

याकॊब 5:16 ပူးပေါင်းရင်းမြစ်များ

मत्तायोस 21:22

अरा उर्मिन नीम पत्त'आनुम निम्‍है गोहरारना नू ने'ओर, अबड़ा उर्मी निमा ख़क्‍ख्र'ओ।”

मत्तायोस 3:6

असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

मरकुस 1:5

येरुसलॆम नगरे अरा यूदेया जिला ही नन्ना नन्ना अड्डा ती नगदे आलर आसी गुसन कालालियर। असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

लू‍कस 9:6

अरा चेलर उरखर ती पद्दा पद्दा दौ कत्‍था मेन्‍त'आनुम अरा उर्मी अड्डा आलारिन उजग'आ नुम केरस।

यॊहनस 9:31

ऎम अख़दम का धर्मेस पपहा आलर हीन मल मेन्‍दस। अरा आस तंग्‍है भगतर हीन अरा आसी मने लेक्‍खा नलख ननुर हीन मेन्‍दस।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 19:18

अबड़र ती बग्‍गे आलर नॆ पत्ताचकाचर, आर बरचर ती तम्‍है मलदौ नलख गुट्ठिन परगट रूप नू हुकमारर।

त‍इरकर 8:24

ख़ने सिमॊनस आनाकिर्ताचस, “नीम एंगा गे उर्बस गुसन गोहरार'आ का नीम बाचकर अबड़ा कत्‍था ती एकदा हूँ एंग्‍है म‍इय्याँ अम्‍बो मना।”

रोमी 3:10

एकासे नेम्‍हा पुथी नू लिख्रकी र'ई, “नॆ हूँ धर्मेसी ऎरना नू उजगो मल्‍ला, ओर्त हूँ मला।

रोमी 5:19

एकासे का ओर्त आलस धर्मेसिन मल मन्नना ती कोड़हे आलर पपहा मंजर केरर। अन्नेम ओर्त आलस धर्मेसिन मन्नना ती कोड़हे आलर उजगो मन्र'ओर क'ओर।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

1 थेस्‍सलोनिकॆयर 5:17

गोहरारनन अमा अटक'आ।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

1 थेस्‍सलोनिकॆयर 5:25

भईरो, एमा गे गोहरार'आ।

इब्रानी 11:4

पत्त'अना ती हाबेलस कैनस ती बॆस दाँड़े धर्मेस गे अरगाचस। धर्मेस दिम आसी दान गुट्ठी ही पत्त नू दौ बाचस, ख़ने आस पत्त'अना ती आस उजगो आल एन्ने बॆस गोवाह ख़क्‍खियस। पत्त'अना ती हाबेलस केचका ख़ॊख़ा ती हूँ अक्‍कु गूटी आसी पत्त नू कछनख्रदत।

इब्रानी 11:7

पत्त'अना ती नूहस आ बेड़ा गूटी मल ऎथ्रका कत्‍था गुट्ठी ही चेता ब'अनन ख़क्‍खियस ती धर्मेसिन मन्‍चस। अरा आस तंग्‍है एड़पातारिन बया बड़ही ती बछर'आ गे कोहाँ डोंगा कमचस। अरा आस तंग्‍है पत्त'अना ती आ बेड़ा ता ख़ॆख़ेल ता उर्मी आलारिन बदी ठेकाबाचस, अरा पत्त'अना ती मनी आ उजगो आबोन ख़क्‍खियस।

इब्रानी 12:13

अरा नीम निम्‍है उज्‍जना नू उजगो डहरे नू ऎका। होले निम्‍है उज्‍जनन ऎररकी निम्‍है गने चॊंख़्र'ऊ लेड़ह'ऊ आलर अउर हूँ लेड़हना ती नास मल मनरकी उजगार'ओर।

इब्रानी 13:18

एमा गे गोहरार'आ। एन्‍देरगेका एमा थितगर र'ई का एम्‍है लखना सफा र'ई, अरा ऎम नन्‍दम आ उर्मी कत्‍था नू म‍ईन जॊगे ती उज्‍जा गे बेद्ददम।

1 पतरस 2:24

आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

1 यॊहन 3:22

नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।