याकॊब 5:11 - पुना गच्छरना NT (BSI)

¹¹ ऎरा, खतिर ननू आलर आसीस ख़क्खोर। नीम यॊबसी खतिर नन्ना ही पत्त नू गा मेंजकादर। अरा नीम ऎरा ओंग्दर का उर्बस आसी छेद्दे बेड़ा नू एकासे दया नंजकाचस। उर्बस कोड़हे सोग्गे ईरू अरा मया ननू र'अदस।

याकॊब 5:11 ပူးပေါင်းရင်းမြစ်များ

मत्तायोस 10:22

नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर, आरिम जनमजुग ही दंडे ती बछर'ओर।

लू‍कस 1:50

अरा नॆ आसिन एल्चनर, आर ही म‍इय्‍याँ आस जुग जुग गूटी सोग्‍गे ऎरदस।

लू‍कस 11:10

ईगेका नॆ ने'अनर आर ख़क्‍खनर, अरा नॆ बेद्दनर आर गे ख़क्ख्र'ई, अरा नॆ ठोकठोकमब'अनर आर गे तिसगर'ई।

लू‍कस 6:36

एकासे निम्‍है मेर्ख़ा ता बंगस निमन सोग्‍गे ईरू र'अदस अन्नेम नीम हूँ सोग्‍गे ईरू मना।

इफेसुस 1:6

अदगे नाम आसी महबा ही मया गे ओहमा नन्दत नेकअन, एकदा आसी चोन्हा ख़द्दस येसुस नू नमा गे सिथियम चिच्‍चस।

इफेसुस 2:4

लिकिन धर्मेस गा सोग्‍गे ऎरना नू उरुब र'अदस, अरा आस तंग्‍है कोड़हे चोन्‍हा चड्डे नमन चोन्‍हा नंजस।

इब्रानी 10:39

लिकिन नाम गा धर्मेस ती पछली किर्रना ती नठार'ऊ आलर मदहे मलदत। नाम पत्त'अरकी जियन बछाब'ऊ आलत हिकदत।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

याकॊब 1:2

अना एंग्‍है भईरो, एका एका बारी निमा गे कैनो रकम ही सस्ती गुट्ठी मनी, आ बारी निम्है पत्त'अना ही बिढ़्रना निमा गे खतिर म‍न्नन चि'ई एन्ने अक्कर ती अदन रिझ्रना बुझुरके।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

1 पतरस 3:14

लिकिन नीम दौ नन्ना चड्डे दुक्‍खे चॊद्दर होले, नीम धर्मेस ती आसीस ख़क्‍खोर। नेम्हा पुथी नू लिक्खरका लेक्खा नना का, “नीम आर ही इल्चताना गुट्ठी गे अमके एल्‍चा अरा अमके धुकपुकर'आ।”

2 पतरस 2:9

औंगे उर्बस अख़दस का धर्मेसिन इल्चू आलारिन आर ही बिढ़्रना ती एकासे बछाब'अना र'ई, अरा उजगो मलका आलारिन दंडे चि'अनुम चि'अनुम नेंवई उल्ला गे उइय्यना र'ई।