याकॊब 4:8 - पुना गच्छरना NT (BSI)

⁸ नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

याकॊब 4:8 ပူးပေါင်းရင်းမြစ်များ

मत्तायोस 12:33

मन्‍न अदही ख़ंजपा तिम चिन्‍हर'ई। मन्‍न बॆस र'ई होले अदही ख़ंजपा हूँ बॆस र'ओ। महले मन्न पयहा र'ई होले अदही ख़ंजपा हूँ पयहा र'ओ।

मत्तायोस 15:2

“एन्‍देरगे निंग्‍है चेलर पूरखर ही मनता गुट्ठिन चाड़नर का बिगर ख़ेक्खा नॊंढ़रका असमा मॊख़नर?”

मत्तायोस 27:24

पिलातुस ईरियस का गोंहड़ा ही चिच्‍चियारना मल मड़'आ लगी, अरा आस एन्द्रा हूँ इदही पत्त नू नना पुल्‍लियस। अरा आस अम्मु नॆचस ती गोंहड़ा ही मुन्‍दहारे ख़ेक्खा नॊंढरस ती बाचस, “ऎन ई उजगो आलासी खे'अन‍ ही बदी ती बछ्रदन, निम्‍है म‍इय्याँ दिम ईद मनो।”

त‍इरकर 15:9

अरा आस आर ही जियन पत्त'अना ती नेम्‍हा नंजस अरा नम्‍है नू अरा आर नू एन्‍देर हूँ फरक म‍ल नंजस।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

इब्रानी 7:19

मूसासी नॆग एन्‍द्रन हूँ बड़ियर नना पोल्‍ला। लिकिन अक्‍कुन नमा गे ओन्‍टा कोड़हे असरा चितारकी र'ई, आद ती नाम धर्मेस गुसन अंड़सदत।

याकॊब 1:8

आ आलस दुई मति ही आलस र'अना ती आस तंग्है उर्मी नलख नू धर'ऊ मल्ला।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।