याकॊब 4:12 - पुना गच्छरना NT (BSI)

¹² धर्मेस ओर्ते गुना पॆसकन चि'उस अरा नेंवई ननुस र'अदस। आसिम नमन बछाब'आ गे अरा पिटा गे सवंगिय र'अदस। लिकिन निंग्‍है अरबर-परबारिन नेंवई नना गे नीन एका ओर्तय?

याकॊब 4:12 ပူးပေါင်းရင်းမြစ်များ

मत्तायोस 10:28

अरा कयन पिटनर अरा जियन गा पिटा पोल्‍नर आर ती अमा एल्‍चा, लिकिन एकास कयन दरा जियन नरक नू पिटा ओंग्‍दस आसिन एल्‍चा।

लू‍कस 12:5

ऎन निमन ब'अदन का निमा नॆकन एल्‍चना र'ई। नॆका पिटका ख़ॊख़ा नू नरक नू सजना ही सवंग र'ई आसिन एल्‍चा। हाँ, ऎन निमन ब'अदन आसीनिम एल्‍चा।

रोमी 14:13

औंगे नाम अपन ती नन्नर नू बदी मल ठेकाब'अना र'ई। ऊजी नू नीम फरिय'आ का निम्‍है भ‍ईसिन आसी डहरे नू मूड़ना पखना अम्‍बोर मना महले आसिन मूड़ना ही चड्डे अम्‍बोर मना।

रोमी 14:4

नन्नर ही जॊंख़स म‍इय्याँ बदी नना गे नीन एका ओर्तय हिकदय? उर्बस आर ही नेंव‍ई ननोस का आर दौ नन्नर महले मलदौ नन्नर। आस दौ ननोस दिम एन्‍देरगेका उर्बस आसिन दौ नना गे सहाड़ा ननोस।

रोमी 2:1

औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

रोमी 9:20

अना आलायो! नीन एका ओर्तय? नीन आल लेका र'अदय, नीन धर्मेसिन आनाकिर्त'ओय का? ओन्‍टा गढ़चका आलॊ गढ़'उसिन ब'आ उंगी का नीन एंगन एन्ने एन्‍देरगे गढ़चकय?

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

याकॊब 5:9

अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।