याकॊब 4:11 - पुना गच्छरना NT (BSI)

¹¹ अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।

याकॊब 4:11 ပူးပေါင်းရင်းမြစ်များ

लू‍कस 6:37

नीम नन्नारिन नेंव‍ई अमा नना, होले नीम हूँ धर्मेस ती नेंव‍ई मल नन्‍तार'ओर। नीम नन्नारिन बदी अमा टिड़'आ, होले नीम हूँ धर्मेस ती बदी मल टिड़तार'ओर। नीन नन्नर ही गुन्‍हन अम्‍बदय होले निम्‍है गुन्‍हा हूँ धर्मेस ती अम्‍बतार'ओ।

रोमी 2:1

औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

रोमी 2:13

एन्‍देरगेका धर्मेसी पॆसकन मिनू आलर उजगो मल मनोर, लिकिन धर्मेसी पॆसकन पॆस्र'ऊ आलर उजगो मनोर।

रोमी 7:7

होले एन्‍देर नाम ब'आ ओंग्‍दत? पॆसका मलदौ हवे का? कहियों मला! एकासे का नॆग मल रहचा होले ऎन पापन बल्‍लोन दने। नॆग नन्नर ही आलॊन चिबा अमके ख़ार'आ मल बाचका होले चिबाख़ारना पाप हवे अदिन ऎन बलका र'ओन दने।

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

इफेसुस 4:31

निम उर्मी रकम ही करतअंग, अरा खींसारना, अरा कैरारना, अरा नग्गानख्रना, अरा हींड़ना अरा उर्मी रकम ही मलदौ ननू सोच गुट्ठिन अम्बा चि'आ।

1 तीमोथियुस 3:11

एन्नेम आर ही मुक्‍कर हूँ म‍ईन ही जॊगे र'अना र'ई। अरा आर दुस‍'ऊ अम्‍बोर र'आ। अरा आर चिहुंक अरा उर्मी कत्‍था नू पत्त‍'ऊ मन्नर नेक‍अन।

2 तीमोथियुस 3:3

अरा आर चोन्‍हा मल ननू, छमा मल ननू, दुस'ऊ, चिहुंक मल ननू, कुइं'ऊ, दौ मल बिद्दू मनोर।

तीतुस 2:3

ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।

याकॊब 1:16

अना एंग्‍है चोन्‍हा भईरो, अमके फोक्र'आ।

याकॊब 1:19

अना एंग्‍है चोन्हा भईरो, ई कत्‍थन नीम अख़'आ हो'आ का, अक्कु नीम ओर्मर मेन्ना नू लॆम मिनुर मना। अरा ब'अना नू अरा कैर मन्ना नू दीरी नना।

याकॊब 1:25

लिकिन नॆ नमा गे छछिन्‍द चि'ऊ ई निंद्रका नॆग नू चिहुंक ती जिया लगा ब'अते र'अदस, आस तान एन्द्रन मेंजकादस अदिन मल मॊध्रदस ती अदही लेक्खा नलख नन्तेम र'अना र'ई। अन्नेम आस नन्दस होले, आस एन्द्रन नन्दस अइय्या आसीस ख़क्‍खोस।

याकॊब 2:8

“नीन निंगन एकासे चोन्‍हा नन्‍दय, अन्ने निंग्‍है अरबा-परबारिन चोन्‍हा नना।” एन्ने नेम्‍हा पुथी नू लिख्रका ई कोड़हे मुध पॆसकन नीम मानिम गने नन्दर होले, नीम बॆस आबोन नन्दर।

याकॊब 5:10

अना भईरो, उर्बासी नामे नू कछनख्रका धर्मेसी कत्था तिंगुर ही पत्त नू सोच'आ। आर ख़तिर गने सस्‍ती चॊद'आलियर। इदन नीम ओन्टा नमुना अख़'आ।

याकॊब 5:7

औंगे अना एंग्है भईरो, उर्बासी किर्रना गूटी खतिर नना। ऎरा, एकासे ख़ल्ल उर्बस तंग्‍है कोड़हे दामे ही खिती मना गे पहिल बरखा ती छेद्दे बरखा गूटी खतिर नन्दस।

याकॊब 5:9

अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।

1 पतरस 2:1

औंगे नीम उर्मी रकम ही मलदौ अरा उर्मी ठकना अरा उतुरमाड़ना गुट्ठी अरा इस्‍गहा गुट्ठी अरा उर्मी मलदौ कछनख्रना गुट्ठी ती निमन तरकूटी उइय्या।