याकॊब 4:1 - पुना गच्छरना NT (BSI)

¹ निम्‍है नू अरबानख्रना गुट्ठी अरा नग्‍गानख्रना गुट्ठी एन्देर चड्डे बर'ई? निम्है जिया नू र'ऊ निम्है नन्ना नन्ना चिबाख़ारना गुट्ठी तिम अरबानख्रना बर'ई।

याकॊब 4:1 ပူးပေါင်းရင်းမြစ်များ

मत्तायोस 15:19

एन्‍देरगेका मलदौ सोच, आल पिटना, नन्ना आली गुसन काना, पेहरन ही सोतरा नलख, ख़ड़ना, ठकवा गोवाह चि'अना अरा निंदा नन्ना जिया तिम उरखी।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

रोमी 7:23

लिकिन ऎन एंग्‍है मॆद ही अंग गुट्ठी नू मॆद सुबहा नलख ननी अदिन अगम'अदन। ईद एकदन ऎन जिया नू पत्तारदन आ धर्मेसी नॆग गने बिच्‍छानख्र‍'ई। मॆद सुबहा एंग्‍है मॆद नू नलख ननी आद पाप ही नॆग हिके। अरा आद एंगन अदही गुड़रका कम'ई।

रोमी 7:5

इकला नाम नम्‍है पाप सुबहा ही तबे नू रहचकत ख़ने पाप ही चिबाख़ारना नम्‍है नू नलख नंजा। अरा एमा ई पाप ही चिबाख़ारना पॆसका ही सवंग ती एमा गे खे'अना ही ख़ंजपा ओन्‍द्र'आ लगिया।

रोमी 8:7

एन्‍देरगेका इकला आलर ही मने पाप मॆद सुबहा ही तबे नू र'ई, आर धर्मेसी बिड़दो नू र'अनर। आर धर्मेसी नॆग आबोन मल पॆस्रनर, अरा पॆस्र'आ हूँ पोलनर।

गलातिया 5:17

एन्‍देरगेका नम्‍है कया बॊलता ही बिड़दो नू चिबाख़ार'ई। अरा बॊलता नम्‍है कया ही बिड़दो नू चिबाख़ार'ई। इबड़ा ऎंड़ तम्है तम्है नू बैरी र'ई। औंगे नीम एन्‍देर दौ नना बेद्ददर अदिन नना पोलदर।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

2 तीमोथियुस 2:23

अरा मोठ‍ई अरा अनभनियाँ आनानखरना गुट्ठी ती तरकूटी र'आ। एन्‍देरगेका नीन अख़दय का अत्रु अरबानखरना गुट्ठी मनी।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

तीतुस 3:9

बोया आनानखरना गुट्ठी, अरा पूरखर ही खुटी गुट्ठी, अरा अरबानखरना गुट्ठी अरा यहूदीर ही नॆग ही पॆस्रना ही पत्त नू नग्‍गानख्रना इबड़ा जम्मा ती तरकूटी र'आ। एन्‍देरगेका इत्रु मल धार'ई, बेड़न लेका नठाब'ई।

याकॊब 1:14

लिकिन ओर्मर तम्है तम्है मलदौ चिबाख़ारना ती मॊंहरनर ती बहकारनर ती बिढ़्रनर।

याकॊब 4:3

अरा नीम धर्मेसिन ने'अदर ख़ने हूँ मल ख़क्‍खदर, ईगेका नीम मलदौ मने गुट्ठी ती ने'अदर का नीम निम्है सुख-सौंरत आबोन पूरा नना गेम ने'अदर।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

2 पतरस 2:18

ईर अनभनियाँ कत्था गुट्ठिन कछनख्रनर ती तम्है पत्त नू फुलई मन्नर। अरा मलदौ डहरे नू उज्जू आलर ती बछर'आ गे चिहुट ननू पुना पत्त'ऊ आलारिन ईर आल सुबहा ती बरना पेहरन ही सोतरा नलख ही चिबाख़ारनन चिबाख़ार'आ गे नन्ना ती आरिन पाप नुम र'आ गे तिहा नन्नर।

2 पतरस 3:3

उर्मी ती मुन्द नीम इदन अख़'आ गे बेद्ददन का, छेद्द उल्ला गुट्ठी नू निंदा ननरकी अलखू आलर बर'ओर, आर मानी आबोन निंदा ननरकी अलख़ोर अरा तम्है तम्है मलदौ चिबाख़ारना नू ऎकोर।