याकॊब 3:6 - पुना गच्छरना NT (BSI)

⁶ अरा ततख़ा हूँ चिच्‍ची लेक्खा र'ई। ईद नम्‍है मॆद नू मलदौ ही ओन्टा लोक हवे। आद ओर्तोसिन गोट्टा मॆदन दगहा ननी चि'ई, अरा आसी गोट्टा उज्‍जनन ऒलत'ई चि'ई। अरा ई चिच्ची नरक ती बर'ई।

याकॊब 3:6 ပူးပေါင်းရင်းမြစ်များ

मत्तायोस 12:24

लिकिन फरिसीर इदिन मेंजर ती बाचर, “ई आलस गा नाद गुट्ठी ही मुद्धस बॆलजेबूल ती नाद गुट्ठिन ओथ्रदस।”

मत्तायोस 5:22

लिकिन ऎन निमन ब'अदन का, एका ओर्तस तंग्‍है भईस मलता बहिन आबोन खींस मन्‍दस होले आस दं‍डे ख़क्‍खोस। अरा एका ओर्तस तंग्‍है भईस मलता बहिन आबोन मलदौ ब'अदस होले आस महासभा नू दं‍डे जॊगे मनोस। अरा एका ओर्तस एक‍अम ओर्तासिन ‘अना बोया’ ब‍'अदस होले आस नरक ही चिच्‍ची ही जॊगे मनोस।

मरकुस 7:15

आलारिन बहरी ता एन्‍द्रिइम लो आसी उला कुर'ई आद आसिन धर्मेसी ऎरना नू मलदौ मल कम'ई, लिकिन आलर ही जिया ती उरखी आदिम आसिन धर्मेसी ऎरना नू मलदौ कम'ई। [

लू‍कस 16:24

ख़ने आस चिच्चियारस ती बाचस, ‘अना बंग अब्राहम, एंगन सोग्‍गे ऎरा, अरा लाजरसिन त‍इय्या चि'आ का आस तंग्‍है अंगलिन अम्म नू बोथारकी एंग्‍है ततख़न कीरत'ओस, एन्‍देरगेका ऎन ई चिच्‍ची नू कलपार'आ लगदन।’

त‍इरकर 20:30

निम्‍है मझी तिम एन्ने आलर चो'ओर ती पत्त'ऊ आलारिन तम्‍है तरा नतगा गे टेंको बोंको कत्‍थन सिखाब'ओर।

त‍इरकर 5:3

तहाँ पतरस बाचस, “हनानिया, सैतान एन्‍देरगे निंग्‍है जिया नू नेम्‍हा बॊलतासिन ठक'आ गे अरा ख़ल्‍ल ही दाम ही ओन हींसन निंगा गे उइय्या गे आकुस नंजा?

त‍इरकर 6:13

अरा आर ठकवा गोवाह गुट्ठिन इजताचर का “ईस नेम्‍हा अड्डा अरा मूसासी पॆसका ही बिड़दो नू ब'अनन मल अम्‍बदस।

तीतुस 1:11

ईरिन एन्ने ब'आ गे अमा चि'आ। ईर तम्‍है मलदौ सिखाब'अना ती एड़पा एड़पन बगड़'अनर चि'अनर। ईर इदन ढिबा गे लेका एन्ने नन्नर।

याकॊब 2:7

नीम नॆख'आ बारदर आ येसु मसीसी बॆस नामे ही आर निंदा मल नन्नर का?

याकॊब 3:7

उर्मी रकम ही मेक्‍खो गुट्ठी, अरा ऒड़ा गुट्ठी, अरा ख़ॆख़ेल नू ऎकना आलॊ गुट्ठी, अरा अम्मु नू र'अना आलॊ गुट्ठी गा आलर ही आकुस ही किइय्या मनी काली। अरा अन्नेम किइय्या मंजकी हूँ किरकी र'ई।

2 पतरस 3:3

उर्मी ती मुन्द नीम इदन अख़'आ गे बेद्ददन का, छेद्द उल्ला गुट्ठी नू निंदा ननरकी अलखू आलर बर'ओर, आर मानी आबोन निंदा ननरकी अलख़ोर अरा तम्है तम्है मलदौ चिबाख़ारना नू ऎकोर।

3 यॊहन 1:10

औंगे ऎन असन बर'ओन होले, आस एन्देर नंजस अदही पत्त नू ऎन ओर्मर गे तेंगोन। आस मलदौ सोच ती एम्है पत्त नू मलदौ ब'अदस। इत्रु हूँ आसी जिया मल बोधर'ई। अइय्या बरना भईरिन हूँ मल परघ'अदस, अरा आरिन परघ'आ बेद्दुरिन हूँ छेंकदस, अरा एन्ने ननुरिन कलीसिया ती हूँ हिगड़'अदस।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:14

अरा ईद मुन्द ता मेक्खो ही मुन्दहारे ई अजगुत नलख गुट्ठिन नना गे तंगा चीरका अदिया ती ख़ॆख़ेल नू ओक्रना आलारिन ठकचा। अरा ईद तलवार ती जखम ख़क्खका ती अक्कु गूटी उज्जना आ मुन्द ता मेक्खो गे ओन्टा मूर्ती कम'आ गे ख़ॆख़ेल नू ओक्रना आलारिन आनिया।

दहदर मंजका कत्‍था 18:23

अरा बिल्‍ली निंग्‍है मइय्याँ अक्कु ती इकला हूँ मल रफ'ओ। बेंजा जॊंख़ अरा बेंजा पेल्‍लो ही सड़ा निंग्है नू अक्कु ती इकला हूँ मल मेन्‍द्र'ओ। निंग्है ख़ीन्दु-बीसुर दिम ख़ॆख़ेल ता कोहाँ आलर रहचर। अरा निंग्‍है देवड़ा नन्ना ती उर्मी जाती ता आलर बेड़ारका रहचर।

दहदर मंजका कत्‍था 19:20

लिकिन आ मेक्‍खो गा धरतारा केरा, अरा अदही गने आ मेक्खो ही ऊजी नू अजगुत नलख गुट्ठी नंजका ठकवा धर्मेसी कत्था तिंगुस हूँ धरतारस केरस। ई अजगुत नलख गुट्ठी ती दिम ई ठकवा धर्मेसी कत्था तिंगुस आ मेक्खो ही छपा होच्चका ती अदही मूर्तिन ऒड़ लग्गुरिन ठकचस। इबड़ा इरबारिम उज्‍जनुम उज्जनुम गन्धक लघरना चिच्‍ची ही समुदर नू हेबड़तारर केरर।