याकॊब 3:2 - पुना गच्छरना NT (BSI)

² नाम ओर्मर बग्गे रकम नू झुकुरदत। नॆ तंग्है ब'अना नू इकला हूँ मल झुकुरदस, आसिम पखड़ मंजका आलस हिकदस। ई लेक्खा आलस दिम तंग्है गोट्टा मॆदन सम्ड़'आ उंगू आलस हिकदस।

याकॊब 3:2 ပူးပေါင်းရင်းမြစ်များ

मत्तायोस 12:34

अना नेर्र लेक्‍खा बिक्‍ख उइय्‍यु आलारो! नीम मलदौ मनरकी एकासे दौ कत्‍था ब'आ ओंग्‍दर? एन्‍देरगेका एन्‍द्रा जिया नू निन्‍दकी र'ई आदिम ब‍ई ती उरखी।

मत्तायोस 12:37

एन्‍देरगेका नीम निम्‍है कत्‍था ही चड्डे बदी मल खत्र'ओर, अरा निम्‍है कत्‍था ही चड्डे बदी खत्र'ओर।”

रोमी 3:10

एकासे नेम्‍हा पुथी नू लिख्रकी र'ई, “नॆ हूँ धर्मेसी ऎरना नू उजगो मल्‍ला, ओर्त हूँ मला।

रोमी 7:21

औंगे एंग्‍है अख़ना ईद र'ई, एकाबारी ऎन दौ नना बेद्ददन होले एंग्‍है नू र'ई आ मलदौ एंगन दौ नना मल चि'ई।

1 कोरिन्‍थ 9:27

लिकिन ऎन एंग्‍है मॆदन सम्ड़'अदन ती एंग्‍है तबे नू नन्‍दन का नन्नारिन तेंगर मेन्‍त'अरकी ख़ॊख़ा ऎनिम इनाम ख़क्‍खना ही बिगर जॊगे मल मनोन।

गलातिया 3:22

लिकिन नेम्हा पुथी ब'ई का नाम ओर्मत पाप ही आकुस नू र'अदत। एकत्रु येसु मसीस नू पत्त'अना ती पत्त'उर धर्मेसी गच्‍छरना आबोन ख़क्‍खनर नेकअन।

गलातिया 5:17

एन्‍देरगेका नम्‍है कया बॊलता ही बिड़दो नू चिबाख़ार'ई। अरा बॊलता नम्‍है कया ही बिड़दो नू चिबाख़ार'ई। इबड़ा ऎंड़ तम्है तम्है नू बैरी र'ई। औंगे नीम एन्‍देर दौ नना बेद्ददर अदिन नना पोलदर।

कोलोस्से 1:28

औंगे ओर्मा आलारिन मसीस नू बड़ियर ननरकी इजत'आ गे ऎम ओर्मा आलर गे मसीसी पत्त नू तेंगरकी धर्मेसी चिच्का उर्मी लूर ती ओर्त ओर्त आलारिन तिगाब'अदम अरा सिखाब'अदम।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

याकॊब 1:26

नीकईम तंगन भगतस एन्ने सोचदस, लिकिन तंग्है बइय्यन मल सम्ड़ह'अदस होले, आस तंगन फोकाब'अदस। आसी भगती अन्‍भनियाँ मनो।

याकॊब 1:4

अरा नीम निम्है इन्द्रिइम चाड़ नू मल खंग्ररकी पखड़ अरा निंद्रका ती र'आ गे, निम्‍है खतिर नन्ना उर्मी तरा नलख ननन नेकअन।

याकॊब 2:10

एकासे का, एका ओर्तस गोट्टा पॆसकन पॆस्रदस, लिकिन ओन्टे कत्था नू झुकरदस होले, आस उर्मी कत्‍था नू बदी खत्रदस।

1 पतरस 3:10

एन्‍देरगेका नेम्हा पुथी नू एन्ने लिख्रकी र'ई का, “नॆ खुस ती उज्‍जा गे बेद्ददस अरा दौ उल्‍ला गुट्ठिन ऎरा बेद्ददस, आस मलदौ मल ब'अना र'ई, अरा आस मल ठकना र'ई।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।