याकॊब 3:1 - पुना गच्छरना NT (BSI)

¹ अना एंग्‍है भईरो, नीम अख़दर का ऎम सिख़ाब'ऊ आलम बग्‍गे सकत ती नेंवई नन्‍तार'ओम, औंगे निम्‍है ती बग्‍गे आलर कलीसिया नू सिखाब'ऊ मना गे अमके बेद्दा।

याकॊब 3:1 ပူးပေါင်းရင်းမြစ်များ

मत्तायोस 10:24

चेलस तंग्‍है गुरुस ती कोहाँ मलदस अरा जॊंख़स तंग्‍है उर्बस ती कोहाँ मलदस।

मत्तायोस 23:13

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम आलर ही मुन्‍दहारे मेर्ख़ा बलिन मुच्‍चदर। नीमिम हूँ कोरदर मला अरा कुर'उरिन हूँ कोर'आ मल चि'अदर। [

मत्तायोस 23:14

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम रड़ियाहिरिन ठकदर ती आरिन अमल'अदर। अरा नीम धरम नू निमन कोहाँ ऎद'आ गे दिगहा दिगहा बिन्‍ती नन्‍दर। औंगे धर्मेस निमा गे कोड़हे दंडे चि'ओस दिम।]

मत्तायोस 9:11

अरा फरिसीर इदिन ईरयर ती आसी चेलारिन मेंजर, “निम्‍है गुरुस मालगुजारी ऊज‍'उर अरा पपहर गने एन्‍देरगे ओन्‍दस?”

लू‍कस 16:2

ख़ने आस आसिन मीख़ियस ती बाचस, ‘नीन एंग्‍है खुर्जिन नठाब'आलदस ब'अरकी निंग्‍है पत्त नू मेंजकादन, निंग्‍है नलख ही ले‍खा चि'आ, नीन ख़ॊख़ा एंग्‍है ईरु-ख़ूजू मल र'ओय।’

लू‍कस 6:37

नीम नन्नारिन नेंव‍ई अमा नना, होले नीम हूँ धर्मेस ती नेंव‍ई मल नन्‍तार'ओर। नीम नन्नारिन बदी अमा टिड़'आ, होले नीम हूँ धर्मेस ती बदी मल टिड़तार'ओर। नीन नन्नर ही गुन्‍हन अम्‍बदय होले निम्‍है गुन्‍हा हूँ धर्मेस ती अम्‍बतार'ओ।

यॊहनस 3:10

येसुस आसिन बाचस, “नीन इस्राऎल नू ओन्‍टा मुध गुरु र'अदय, अन्नु हूँ इबड़ा कत्‍थन नीन मल बुझ्रदय का?

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

1 कोरिन्‍थ 12:28

अरा धर्मेस कलीसिया नू जोक्‍क आलारिन ओकताचकादस। पहिल गा तइरकारिन, दोसर धर्मेसी कत्‍थन मुन्‍द तिंगुरिन, तिसर धर्मेसी कत्‍था सिखाब'उरिन ओकताचकादस। अदही ख़ॊख़ा हैकट नलख गुट्ठी ननुरिन, अदही ख़ॊख़ा कोड़े नना गे सवंग ख़क्‍खका आलारिन ओकताचकादस। अदही गने नन्नर गे संगरा ननुरिन, अरा कड़हाब'उरिन, अरा कैनो मदहे बलना भखा गुट्ठिन कछनख्र'उरिन ओकताचकादस।

2 कोरिन्‍थ 5:10

एन्‍देरगेका नाम ओर्मत मसीसी नेंवई बॆल-गद्दी ही मुन्दहारे इज्जना मनो। ख़ने नाम ओर्त ओर्त कया नू र'अना बेड़ा नंजका दौ मलता मलदौ ही ऊजिन ख़क्‍खोत।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

1 तीमोथियुस 1:7

आर मूसासी नॆग सिखाब‍'ऊ मना बेद्दनर। लिकिन आर एकदा ही पत्त नू ब'अनर अदिन बलनर, अन्नु हूँ बड़ियर लगे ब'अनर।

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।

2 तीमोथियुस 1:11

ई दौ कत्‍था गे ऎन दौ कत्‍था तिंगू, तइरका अरा सिखाब‍'ऊ उइरकन।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।

याकॊब 1:16

अना एंग्‍है चोन्‍हा भईरो, अमके फोक्र'आ।

याकॊब 1:19

अना एंग्‍है चोन्हा भईरो, ई कत्‍थन नीम अख़'आ हो'आ का, अक्कु नीम ओर्मर मेन्ना नू लॆम मिनुर मना। अरा ब'अना नू अरा कैर मन्ना नू दीरी नना।

याकॊब 3:10

ओहमा अरा भखना ओन्टा बई तिम उरखी। अना एंग्‍हा भईरो, ईद दौ मल्ली।

1 पतरस 5:3

अरा निम्है ख़ेक्खा नू ऎरा ख़ॊजा गे चीतारका आलर ही मइय्याँ नीम आकुस ननू लेक्खा अमा र'आ, लिकिन बॆस नमुना मनरकी आरिन कड़हाब'आ।