याकॊब 2:8 - पुना गच्छरना NT (BSI)

⁸ “नीन निंगन एकासे चोन्‍हा नन्‍दय, अन्ने निंग्‍है अरबा-परबारिन चोन्‍हा नना।” एन्ने नेम्‍हा पुथी नू लिख्रका ई कोड़हे मुध पॆसकन नीम मानिम गने नन्दर होले, नीम बॆस आबोन नन्दर।

याकॊब 2:8 ပူးပေါင်းရင်းမြစ်များ

मत्तायोस 22:39

अरा ईद लेक्‍खा दोसरा पॆसका ईद हवे, ‘नीन निंगन एकासे चोन्‍हा नन्‍दय अन्ने निंग्‍है अर्बा-पर्बारिन चोन्‍हा नना।’

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

मत्तायोस 25:23

आसी उर्बस आसिन बाचस, ‘नीन दौ नंजकय, बॆस अरा पत्त'अना जॊगे जॊंख़, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

मत्तायोस 7:12

आलर एन्‍दरन निमन नना नीम बेद्ददर, अबड़न नीम आर गे नना। एन्‍देरगेका मूसासी पॆसका अरा धर्मेसी कत्‍था तिंगुर ही आनना ईदिम हवे।

रोमी 13:10

चोन्‍हा अरबर-परबर ही एन्‍देर हूँ मलदौ मल ननी, औंगे नॆ चोन्‍हा नन्दस आस उर्मी नॆगन पॆस्रदस।

गलातिया 5:14

एन्‍देरगेका सौंसे नॆग ई ओन्‍टे पॆसका नू मंज ख़च्‍चिया, “नीन निंग्‍है अरबर-परबर गने निंग्‍है बेसे चोन्‍हा नना।”

गलातिया 6:2

एन्ने ओत्‍था चिरखीन चेड़'आ गे ओर्त ओर्त ही सहाड़ा नना। अरा एन्ने नन्‍दर होले, मसीसी पॆसका आबोन नन्‍दर।

फिलिप्‍पी 4:14

अन्नु हूँ नीम दौ नंजकर का एंग्‍है कलपारना नू संगरा नंजकर।

1 थेस्‍सलोनिकॆयर 4:9

अउर हूँ ऎम निमा गे भईरिन चोन्‍हा नन्ना ही पत्त नू लिखना ही चाड़ मलकी, एन्‍देरगेका तम्है ती नन्नर संगे चोन्‍हा ती र'आ गे धर्मेस निमन मुन्‍द तिम सिखाबाचका चिच्कादस।

याकॊब 1:25

लिकिन नॆ नमा गे छछिन्‍द चि'ऊ ई निंद्रका नॆग नू चिहुंक ती जिया लगा ब'अते र'अदस, आस तान एन्द्रन मेंजकादस अदिन मल मॊध्रदस ती अदही लेक्खा नलख नन्तेम र'अना र'ई। अन्नेम आस नन्दस होले, आस एन्द्रन नन्दस अइय्या आसीस ख़क्‍खोस।

याकॊब 2:12

औंगे छछिन्‍द चि'ऊ पॆसका तिम नीम नेंवई मन्तार'ऊ आलर र'अना ती, अदही लेक्‍खा कछनख्र'आ अरा अदही लेक्खा नलख नना।

याकॊब 2:19

नीन पत्त'अदय का, ओन्टे लेका धर्मेस र'अदस। आद दौ हिके। नाद गुट्ठी हूँ गा अदिन पत्त'ई, अरा इल्‍ची अरा असरी।

याकॊब 4:11

अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।