याकॊब 2:7 - पुना गच्छरना NT (BSI)

⁷ नीम नॆख'आ बारदर आ येसु मसीसी बॆस नामे ही आर निंदा मल नन्नर का?

याकॊब 2:7 ပူးပေါင်းရင်းမြစ်များ

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

मत्तायोस 12:24

लिकिन फरिसीर इदिन मेंजर ती बाचर, “ई आलस गा नाद गुट्ठी ही मुद्धस बॆलजेबूल ती नाद गुट्ठिन ओथ्रदस।”

मत्तायोस 27:63

“अना बॆलायो, एमा सुरता र'ई का आ भुरइउस उज्‍जालियस ख़ने, बाचकाचस, ‘ऎन तीन उल्‍ला ख़ॊख़ा उज्‍जा चो'ओन।’

त‍इरकर 11:26

अरा आसिन बिद्दियस ती अन्‍तियोख़ेया ओन्‍द्रस। अबड़र इरबारिम ओन बछर गूटी अइय्या ता कलीसिया नू रहचर ती नगदे बग्‍गे आलारिन सिखाब'आ लगियर। अरा अन्‍तियोख़ेया नू उर्मी ती मुन्‍द पत्त'ऊ आलर मसीर बातारर।

त‍इरकर 15:17

औंगे बछ्रका आलर अरा ऎन एंगा गे चजकादन अबड़ा ओर्मा नन-यहूदीर उर्बासिन बेद्दोर। उर्बस ब'अदस,

त‍इरकर 26:11

ऎन आरिन उर्मी गोड़हा एड़पा नू कैनो खेप दंडे चि'अरकी येसु नामे ही निंदा नन्‍त'आ गे चिहुट नंजकन। ऎन आर ही बिड़दो ता एंग्‍है खींस ही चड्डे ई गूटी पूरकन का नन्ना नगरे गुट्ठी नू हूँ कालरकी आरिन सताबाचकन।

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

1 तीमोथियुस 1:13

ऎन गा मुन्‍द मसीसिन हींड़'ऊ, अरा आसी आलारिन सताब'ऊ, अरा कड़‍'ऊ रहचकन। अन्नु हों धर्मेस एंग्‍है म‍इय्याँ सोग्‍गे ईरियस, एन्‍देरगेका ऎन मल पत्त'अना अरा बलना ती इबड़ा नलखन नंजकाचकन।

1 पतरस 4:16

लिकिन नीम मसी आलर र'अना चड्डे सस्ती सारदर होले, अदही पत्त नू अम्बोस लजर'आ, लिकिन मसी आलर एन्ने नामे निमा गे र'अना चड्डे धर्मेसी महबा नना।

दहदर मंजका कत्‍था 19:13

अरा आस ख़ॆंस छिंछड़ाचका किचरी कूरकाचस, अरा आसी नामे “धर्मेसी कत्‍था” हवे।

दहदर मंजका कत्‍था 19:16

अरा आसी किचरी नू अरा डुंडे नू ई नामे लिख्रकी रहचा: “बॆलर ही बॆलस अरा उर्बर ही उर्बस।”