याकॊब 2:6 - पुना गच्छरना NT (BSI)

⁶ लिकिन नीम गा कीड़ारिन हींड़दर। एन्‍देर उरुबर निम्‍है मइय्याँ आकुस मल नन्नर, अरा आरिम निमन पंचायत नू नतगनर मल हो'अनर का?

याकॊब 2:6 ပူးပေါင်းရင်းမြစ်များ

यॊहनस 8:49

ख़ने येसुस बाचस, “ऎन नाद ती रस्‍का आलन मलदन। ऎन एम्‍बासिन म‍ईन नन्‍दन, लिकिन नीम एंगन हींड़दर।

त‍इरकर 13:50

लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

त‍इरकर 17:6

लिकिन आरिन असन मल ख़क्‍खियर ती यासॊन अरा जोक्‍क पत्त'ऊ भइय्योरिन नगरे ता अक्‍स'उर हेद्दे नतगियर ओन्‍द्रर। अरा चिच्चि‍यारनुम बाचर, “ईर गोट्टा राजिन हेलहेलम नंजकानर, इबड़र इसन हूँ बरचकानर।

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 8:3

लिकिन स‍उलस कलीसिया आबोन सस्ती नना लगियस। एड़पा एड़पा नू कोर्च कोर्च मुक्‍कारिन अरा मॆतारिन घिडराच घिडराच जेहेल नू सज'आ लगियस।

1 कोरिन्‍थ 11:22

ओना मॊख़ा गे निम्‍है एड़पा मलकी का? नीम धर्मेसी कलीसियन हींड़दर ती कीड़ारिन लज्‍जे मॊख़त'अदर का? ऎन निम्‍है ती एन्‍देर ब'ओन? इदही पत्त नू ऎन निमन सवंर'ओन का? ऎन मानिम नू मल सवंर'ओन।

याकॊब 2:3

अरा नीम फबना किचरी अत्तका आलासिन कोड़हे मईन नन्दर ती ब'अदर, “नीन इसन दौ अड्डा नू ओक्‍का,” अरा आ कीड़ा आलासिन ब'अदर, “नीन असन इज्‍जका र'आ” मलता “एंग्‍है ख़ेड्डे गुसन ओक्‍का।”

याकॊब 5:4

ऎरा, बनिहार आलर निम्है ख़ल्लन ख़ोस्सर, नीम आर ही बनिन मल चिच्चकर, अक्कु आर गे मल चिच्का बनी निम्है बिड़दो नू गोहरार'आ लगी। अरा आ बनिहार ही गोहरारना उर्मी ती सवंगिय धर्मे उर्बस गुसन अंड़सकी र'ई।

याकॊब 5:6

निम्है बिड़दो मल मंजका उजगो आलारिन हूँ नीम बदी टिड्डकर ती पिटकादर।