याकॊब 2:5 - पुना गच्छरना NT (BSI)

⁵ अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

याकॊब 2:5 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 25:34

तहाँ ऎन बॆलन एंग्‍‍है तीना पक्‍खे ता आलारिन ब'ओन, ‘अना एंग्‍है बंगासी आसीस ख़क्‍खका आलारो, बरा, आ राजी ही अदिया ननू मना कला, एकदा हुल्‍लो ती निमा सपड़ाचका र'ई।

मत्तायोस 5:3

“नॆ तम्‍है बॊलता ही चाड़ गे धर्मेस म‍इय्याँ असरा उइय्यरकी र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

मरकुस 7:14

ख़ने येसुस गोंहड़ा आबोन तंग्‍है गुसन मीख़ियस अरा बाचस, “नीम ओर्मर एंग्‍है कत्‍थन मेना ती बुझुर'आ। ऎन ओन्‍टा जोक्‍खा ख़ीरी तेंगोन।

लू‍कस 12:21

एन्नेम आ आलासी दसा हूँ मनो, नॆ तंगा गे लेका खुर्जी ख़ॊंड़रकी उइय्‍दस। आस धर्मेसी ऎरना नू उरुब मलकस।”

लू‍कस 12:32

अनय सन्नी गोंहड़ा, अमय एल्‍चय। एन्‍देरगेका निम्‍बस निमा गे तंग्‍है गने मेर्ख़ा राजी नू राजी नना गे आकुस चि'आ गे मने नन्‍दस।

लू‍कस 16:22

फिन आ कीड़ा आलस केच्‍चस केरस अरा मेर्ख़ा पैकर आसिन होच्‍चर ती अब्राहमसी कोरा नू ओकताचर। अरा आ उरुब आलस हूँ केच्‍चस अरा आसिन मंडियर।

लू‍कस 16:25

लिकिन अब्राहमस बाचस, ‘अना ख़द्द, सुरता नना नीन निंग्‍है उज्‍जना ही बेड़ा नू निंग्‍है दौ जिनिसन ख़क्‍खा चुकुरकय, अन्नेम लाजरस मलदौ जिनिसन ख़क्‍खियस। लिकिन अक्‍कुन आस इसन जिया सालना ख़क्‍खालदस अरा नीन गा कलपार'आ लगदय।

लू‍कस 22:29

ख़ने एंग्‍है बंगस आसी आलारिन राजी नना गे एंगा आकुस चिच्‍चस, अन्नेम ऎन हूँ निमा गे आकुस चि'अदन।

लू‍कस 6:20

ख़ने येसुस तंग्‍हा चेलर तरा किर्रे ईरीयस ती बाचस, “अना मलकारो धर्मेस निम्हा ती खुसमारदस, एन्‍देरगेका धर्मेसी राजी निम्‍है दिम हवे।

यॊहनस 7:48

एकअम अक्‍स'उर महले फरिसीर आसिन पत्ताचका र'अनर का?

त‍इरकर 7:2

आस आनाकिर्ताचस, “भ‍ईरो अरा बंगारो, एंग्‍हैन मेना। नम्‍है बंगस अब्राहमस ख़र्रान नगरे नू ओक्रना ही मुन्‍द मेसोपोतामिया देस नू र'अना बेड़ा नू महबा ती निन्‍द्रका धर्मेस आस गे ऎथ्रस।

रोमी 8:17

अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

1 कोरिन्‍थ 2:9

लिकिन नेम्‍हा पुथी नू एन्ने लिख्रकी र'ई का, “धर्मेस तंग्‍है नू चोन्‍हा ननुर गे सपड़ाचका जिनिसन एका ख़न्न हूँ मल ईरकी र'ई, महले एका ख़ेबदा हूँ मल मेंजकी र'ई महले एका मन हूँ मल सोचकी र'ई।”

2 कोरिन्‍थ 4:15

इबड़ा उर्मी निमा दौ गे दिम र'ई। अरा एकासे धर्मेसी मया बग्गे ती बग्गे आलर नू अंड़सत'ई, अन्नेम धर्मेसी महबा गे धन्‍यवाद ही गोहरारना हूँ बग्‍गे मन्नुम क'ओ।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

इफेसुस 1:18

ऎन गोहरारदन का आस निमा जिया गे बिल्‍ली चि'अदस नेकअन। अत्रु तिम आस निम्है मॆख़ना ही असरा आबोन नीम अख़'आ ओंगोर, अरा तंग्है नेम्हा आलर गे मंजका आसीस ही महबा ही खुर्जी आबोन नीम अख़'ओर चि'ओर।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

2 थेस्‍सलोनिकॆयर 1:5

धर्मेस मानिम ती नेंवई नन्ना ही ईद गोवाह हवे। नीम धर्मेसी राजी गे जॊगे मना गे आस बेद्ददस, अदगे नीम सस्‍ती हूँ सारदर।

1 तीमोथियुस 6:18

अरा आरिन तेंगा का आर गे तंग्‍है खुर्जिन दौ नलख नू ब‍उर'अना र'ई, अरा दौ नलख गुट्ठी नू उरुब मन्ना र'ई। अरा चाड़ र'ऊ आलर गे मुट्ठी बिछर'अरकी चि'आ गे अरा सौंसे जिया ती तम्‍है खुर्जिन ख़ट्टा गे सपड़ारका र'अना र'ई।

2 तीमोथियुस 4:18

उर्बस एंगन उर्मी रकम ही मलदौ नलख ही बिड़दो ती नाड़ोस अरा तंग्‍है मेर्ख़ा राजी नू कोड़ेम अंड़सत'ओस। आसी दिम महबा हुल्‍लो ती हुल्‍लो गूटी मन्‍ते र'ओ। आमेन।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

इब्रानी 11:26

आस मसीस गे हींड्रनन मिसर ता खुर्जी ती कोहाँ जॊगे बुझ्रस। आस गा धर्मेसी बरना कोड़हे इनाम गे पाब ऎरा लगियस।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

याकॊब 1:16

अना एंग्‍है चोन्‍हा भईरो, अमके फोक्र'आ।

याकॊब 1:19

अना एंग्‍है चोन्हा भईरो, ई कत्‍थन नीम अख़'आ हो'आ का, अक्कु नीम ओर्मर मेन्ना नू लॆम मिनुर मना। अरा ब'अना नू अरा कैर मन्ना नू दीरी नना।

याकॊब 1:9

पत्त'ऊ भईस नॆ कीड़ा र'अस, आस धर्मेस तंगा गे चिच्का बॊलता ही मेच्‍छा ओहदा नू फुलई मन्दस नेकअन।

1 पतरस 1:4

इदही गने धर्मेस निमा गे ओन्टा कोड़हे आसीसन मेर्ख़ा नू उइय्कादस। आद इकला हूँ मल नठार'ई अरा सोतरा मल मनी अरा मल चड़मी।

2 पतरस 1:11

अरा नम्है उर्बस अरा नाड़ुस येसु मसीसी मुंजा मलका राजी नू कोड़हे परिघ'अना ती कोर'ओर।

दहदर मंजका कत्‍था 2:9

ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।

दहदर मंजका कत्‍था 3:18

औंगे ऎन निंगा गे सलहा चि'अदन का, नीन चिच्‍ची नू धुकचका सोना एंग्‍है गुस्‍ते ख़ॆन्दा, ख़ने नीन उरुब मनोय कालोय। अरा नीन एंग्हा ती पंडरू किचरी ख़ॆन्दा का, अदिन अत्तोय ती निंग्‍है मॆद ठेठेंगे अम्‍बो र'आ अरा लज्‍जे मल मॊख़ोय। अरा निंग्‍है ख़न्न नू नना गे सुरमा ख़ॆन्दा का, अदिन ननोय होले निंग्‍है ख़न्न रफ'ओ।