याकॊब 2:23 - पुना गच्छरना NT (BSI)

²³ अरा ई लेक्खम, “अब्राहमस धर्मेसिन पत्ताचस, अरा धर्मेस ई पत्त'अना ती आसिन उजगो गनचस।” एन्ने नेम्‍हा पुथी नू बाचका कत्था पूरचा। अरा आस धर्मेसी सखी हूँ बारस।

याकॊब 2:23 ပူးပေါင်းရင်းမြစ်များ

मरकुस 12:10

नीम नेम्हा पुथी नू मल्‍ला पढ़चका का? ‘एका पखनन राजमिस्‍त्रीर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा।

मरकुस 15:27

आर आस गने ऎंड़ डाकू आलारिन, ओर्तोसिन आसी तीना अरा ओर्तोसिन डेब्‍बा चोक्‍ख क्रुस नू ठोकचर। [

लू‍कस 4:21

तहाँ आस आरिन ब'आ हेलरस, “नीम अक्‍कु एंग्‍है ती पढ़चकन मेंजकर, आद एंग्‍है ती इन्नम पुरचकी र'ई।”

त‍इरकर 1:16

“अना भ‍ईरो, नेम्‍हा पुथी ता लिख्रका मन्ना चाड़ रहचा, आद नेम्‍हा बॊलतस दाऊदसी ब‍ई ती येसुसिन हॆंरका आलर गे कड़हाब'ऊ रहचका यूदसी पत्त नू मुन्‍द बाचका रहचस।

रोमी 11:2

धर्मेस तंग्‍‍है आलारिन एकदन आस मुन्द दिम चज्जिकाचस आरिन मल अम्‍बा ख़च्‍चियस। एन्‍देर नीम बलदर का? नेम्‍हा पुथी धर्मेसी कत्‍था तिंगू एलियसी पत्त नू एन्‍देर ब'ई, एकासे आस धर्मेसिन इस्राऎलर ही बिड़दो नू गोहरारस।

रोमी 9:17

एन्‍देरगेका नेम्‍हा पुथी नू लिख्रकी र'ई का धर्मेस मिसर राजी ही बॆलस फारऒसिन ब'अदस, “ऎन निंगन इदगे बॆल कमचकन का निंग्‍है म‍इय्याँ एंग्‍है सवंगन ऎद'ओन ती एंग्‍है नामेन गोट्टा ख़ॆख़ेल नू बीड़'ओन।”

गलातिया 3:22

लिकिन नेम्हा पुथी ब'ई का नाम ओर्मत पाप ही आकुस नू र'अदत। एकत्रु येसु मसीस नू पत्त'अना ती पत्त'उर धर्मेसी गच्‍छरना आबोन ख़क्‍खनर नेकअन।

गलातिया 3:6

अब्राहमस धर्मेसिन पत्ताचस, ख़ने आस धर्मी लेक्‍ख्रस।

2 तीमोथियुस 3:16

धर्मेसी उर्मी नेम्‍हा कत्‍था धर्मेसी रस्‍सका लिख्रकी र'ई। आद आलारिन मानिम आबोन सिखाब'आ गे, अरा आलारिन तम्‍है उज्‍जना ही मलदौ आबोन बुझाब'आ गे, अरा आलर तम्‍है मलदौ आबोन अम्‍बत'आ गे, अरा एकासे उजगो उज्‍जना र'ई अदन सिखाब'आ गे सहाड़ा ननू र'ई।

याकॊब 2:24

औंगे नीन ऎरदय का ओर्तोस पत्त'अना ती लेका मला, आसी नन्ना नलख गुट्ठी ती हूँ उजगो गनरदस।

1 पतरस 2:6

एन्देरगेका नेम्‍हा पुथी नू एन्ने लिख्रकी र'ई का, “ऎरा, ऎन येरुसलॆम नू ओन्‍टा चाजरका अरा कोड़हे मईन ही कोंड़ा पखनन उइय्‍दन, नॆ आसी मइय्याँ पत्त'ई आस इकला हूँ मल लजर'ओस।”