याकॊब 1:9 - पुना गच्छरना NT (BSI)

⁹ पत्त'ऊ भईस नॆ कीड़ा र'अस, आस धर्मेस तंगा गे चिच्का बॊलता ही मेच्‍छा ओहदा नू फुलई मन्दस नेकअन।

याकॊब 1:9 ပူးပေါင်းရင်းမြစ်များ

लू‍कस 1:52

राजी ननू आलारिन तंम्‍‍है गद्दी ती टिड्डस चिच्‍चस, अरा लुदऊ जिया आलारिन कोहाँ नंजस।

लू‍कस 10:20

लिकिन मलदौ बॊलता गुट्ठी एमन पत्त'ई ब'अके ती लेका अमके खुसमार'आ, इदगे हूँ खुसमार'आ का निम्‍है नामे मेर्ख़ा नू लिख्रकी र'ई।”

लू‍कस 14:11

अरा इदन सुरता नना का नॆ तमन कोहाँ ऎदनर आर सन्नी मन्‍तार'ओर‍, अरा नॆ तमन सन्नी ऎदनर आर कोहाँ मन्‍तार'ओर।”

लू‍कस 9:48

अरा आरिन बाचस, “एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। अरा एका ओर्तोस एंगन इंझ्रदस आस एंगन त‍इय्‍का एंग्‍है बबासिन हूँ इंझ्रदस। अरा नॆ निम्‍है नू तंगन सन्नी ती सन्नी अख़दस आसिम धर्मेसी ऎरना नू कोहाँ र'अदस।”

रोमी 8:17

अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

फिलिप्‍पी 3:14

ऎन धर्मेस चि'अना इनामन ख़क्खा गे एंग्है लच्छय तरा अंड़सा गे कोड़हे चिहुट नन्दन। आ इनाम मेर्ख़ा उज्जनन ख़क्खा गेम धर्मेस एंगन मसी येसुस ती मीख़कादस।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

दहदर मंजका कत्‍था 2:9

ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।