याकॊब 1:5 - पुना गच्छरना NT (BSI)

⁵ निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

याकॊब 1:5 ပူးပေါင်းရင်းမြစ်များ

मत्तायोस 11:20

अन्‍ति येसुस आ नगरे गुट्ठिन केबा हेलरस, एकइय्‍या आस उर्मिन्‍ती कोड़हे सवंग ही नलख नंजका रहचस, अन्‍नु हूँ आर जियन मल किर्ताचका रहचर।

मरकुस 16:14

ख़ॊख़ा अबड़ा ग्यारा चेलर मं‍डी ओना गे उक्‍कियर, ख़ने येसुस आर गे ऎथ्रस। अरा आर ही जिया मल भेदना अरा मल पत्त'अना ही चड्डे आस आरिन केप्‍पस। एन्‍देरगेका आर आसी उज्‍जा चॊचका ही ख़ॊख़ा आसिन ईरकारिन मल पत्ताचर।

यॊहनस 14:13

अरा नीम एंग्‍है नामे ती इन्द्रिइम ने'अदर‍, अदिन ऎन निमा गे ननोन। ख़ने बंगासी महबा ऎन ख़द्दस ती दहदर मनो।

यॊहनस 15:7

नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

2 कोरिन्‍थ 2:16

जोक्‍क आलर गे खे'आ गे खे'अना ही महक अरा जोक्‍क आलर गे उज्‍जा गे उज्‍जना ही महक र'अदम। इबड़ा कत्‍था गुट्ठिन नना गे नॆखा जॊगे र'ई?

याकॊब 1:17

उर्मी दौ अरा बॆस इनाम धर्मे बंगस ती बर'ई, नॆ मेर्ख़ा ता उर्मी बिल्लिन गढ़चस। आस ऎख़ अड्डा अड्डा बदलारना बेसे बदलार'ऊ मलदस।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

याकॊब 5:16

औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।

1 यॊहन 3:22

नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।