याकॊब 1:4 - पुना गच्छरना NT (BSI)

⁴ अरा नीम निम्है इन्द्रिइम चाड़ नू मल खंग्ररकी पखड़ अरा निंद्रका ती र'आ गे, निम्‍है खतिर नन्ना उर्मी तरा नलख ननन नेकअन।

याकॊब 1:4 ပူးပေါင်းရင်းမြစ်များ

मत्तायोस 10:22

नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर, आरिम जनमजुग ही दंडे ती बछर'ओर।

मत्तायोस 19:20

आ जॊंख़स बाचस, “इबड़ा उर्मिन गा ऎन पॆस्रकन, अक्‍कु एंग्‍है नू एन्‍द्रा खंग्रकी र'ई?”

मत्तायोस 5:48

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

मरकुस 10:21

येसुस आसिन नगदे चोन्‍हा नंजस अरा आसिन ऎररकी बाचस, “नीन अक्‍कुन गूटी ओन्‍टा कत्‍थन मल नंजकादय, कला, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

लू‍कस 18:22

इदन मेंजस ती येसुस आसिन बाचस, “अन्नु हूँ नीन अक्‍कुन गूटी ओन्‍टा कत्‍थन मल नंजकादय, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

लू‍कस 21:19

नीम बड़ियर सहना गने इज्जका र'ओर होले निम्‍है जियन लाड़ोर।

लू‍कस 8:15

अरा जोक्‍क आलर बिहनी खत्रका दौ ख़ॆख़ेल लेक्‍खा हिकनर। आर कत्‍थन मेन्नर ती सत अरा फरी जिया नू सम्ड़'अरकी उइय्नर अरा सहेलहे गने ख़ंजनर।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

1 कोरिन्‍थ 2:6

अन्नु हूँ पत्त'ऊ आलर नॆ पखड़ मंज ख़च्‍चिकानर आर ही नू ऎम लूर ही पत्त ता कत्‍थन तेंगदम। लिकिन ई लूर ख़ॆख़ेल ता महले नठार'ऊ ई ख़ॆख़ेल ता राजी ननुर ही लूर मल्‍ली।

गलातिया 6:9

नाम दौ नलख नना गे अम्‍बोत ख़ड़दन नेकअन। अरा नाम अन्नेम नना गे बड़ियर मन्नुम क'ओत होले, नाम ठौका बेड़ा नू ख़ोयोत।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

2 तीमोथियुस 3:17

इत्रु धर्मेसी आलस बड़ियर मन्दस अरा उर्मी दौ नलख नना गे सपड़ारका र'अदस।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

याकॊब 3:2

नाम ओर्मर बग्गे रकम नू झुकुरदत। नॆ तंग्है ब'अना नू इकला हूँ मल झुकुरदस, आसिम पखड़ मंजका आलस हिकदस। ई लेक्खा आलस दिम तंग्है गोट्टा मॆदन सम्ड़'आ उंगू आलस हिकदस।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

2 पतरस 1:9

लिकिन नॆख'आ नू इबड़ा गुन्न गुट्ठी मलकी आस अन्धहा लेक्खा र'अदस, अरा गेच्छा ऎरा पुल्लू लेक्खा र'अदस। आस मुन्द ता तंग्है पाप गुट्ठी ती तान नॊड़र'अरकी सुध मन्तारकाचस अदिन मॊध्रकादस।