याकॊब 1:12 - पुना गच्छरना NT (BSI)

¹² बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

याकॊब 1:12 ပူးပေါင်းရင်းမြစ်များ

मत्तायोस 10:22

नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर, आरिम जनमजुग ही दंडे ती बछर'ओर।

मत्तायोस 25:34

तहाँ ऎन बॆलन एंग्‍‍है तीना पक्‍खे ता आलारिन ब'ओन, ‘अना एंग्‍है बंगासी आसीस ख़क्‍खका आलारो, बरा, आ राजी ही अदिया ननू मना कला, एकदा हुल्‍लो ती निमा सपड़ाचका र'ई।

लू‍कस 6:22

मनवा ख़द्दस चड्डे आलर निमन छिंडोर अरा निमन अम्‍बोर चि'ओर अरा निमन हींड़'ओर अरा निम्‍है नामेन मलदौ ब'ओर ती खंडोर चि'ओर होले धर्मेस निम्हा ती खुसमार'ओस।

रोमी 5:4

सहना ती चोखा उरखना, अरा चोखा उरखना ती असरा मनी।

रोमी 8:28

नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्‍हा नन्नर, आर गे धर्मेस आर ही दौ गे दिम उर्मीन नन्‍दस।

1 कोरिन्‍थ 2:9

लिकिन नेम्‍हा पुथी नू एन्ने लिख्रकी र'ई का, “धर्मेस तंग्‍है नू चोन्‍हा ननुर गे सपड़ाचका जिनिसन एका ख़न्न हूँ मल ईरकी र'ई, महले एका ख़ेबदा हूँ मल मेंजकी र'ई महले एका मन हूँ मल सोचकी र'ई।”

1 कोरिन्‍थ 8:3

लिकिन ओर्तोस धर्मेसिन चोन्‍हा नन्‍दस होले, आस धर्मेस ती अख़तारदस।

1 कोरिन्‍थ 9:25

ओर्मा बीचुर गा उर्मी मदहे कत्‍था नू तमन सम्ड़'अनर। ईर नठारना इनामन ख़क्‍खा गे एन्ने नन्नर। लिकिन नाम गा मल नठारना इनामन ख़क्‍खा गे एन्ने नन्‍दत।

2 तीमोथियुस 2:15

नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

इब्रानी 10:32

धर्मेसी बिल्‍लिन ख़क्खका मुन्‍द ता उल्‍ला गुट्ठी नू नीम एकासे रहचकर, अदिन सुरता नना। अबड़ा उल्‍ला नू नीम कोड़हे खिलपत अरा सस्‍ती नू हूँ जिटजिट ने इज्‍जका रहचकर।

इब्रानी 11:17

पत्त'अना ती अब्राहमस धर्मेस ती बिढ़तारस ख़ने इसाकसिन ओन्‍टा दाँड़े बेसे अरगस। आस धर्मेसी गच्‍छरका गुट्ठिन ख़क्‍खियस। आ गच्‍छरका नू धर्मेस आसिन एन्ने बाचका रहचस, “इसाकस तिम निंग्‍है बनस गुट्ठी मनो।” अन्नु हूँ आस तंग्‍है ओन्‍टे लेका ख़द्दासिन दाँड़े नना गे सपड़ाचस।

इब्रानी 12:5

अरा धर्मेस निमन तंग्‍है ख़द्दर एन्ने मॆख़रकी निम्‍है गने बाचका रिझ्रत'अना कत्‍था गुट्ठिन नीम मोधरकर केरकर, “अना एंग्‍है ख़द्दायो! उर्बासी कोड़नन नेब्‍बा अमा सोच'आ, अरा आस निमन दन्‍दक'ओ बारी डिढन अमा अम्‍बा।

इब्रानी 6:15

तहाँ अब्राहमस खतीर नंजका ती पाब ऎरना ही ख़ॊख़ा तंगा गे गच्‍छरका आबोन ख़क्‍खियस।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

याकॊब 5:11

ऎरा, खतिर ननू आलर आसीस ख़क्खोर। नीम यॊबसी खतिर नन्ना ही पत्त नू गा मेंजकादर। अरा नीम ऎरा ओंग्दर का उर्बस आसी छेद्दे बेड़ा नू एकासे दया नंजकाचस। उर्बस कोड़हे सोग्गे ईरू अरा मया ननू र'अदस।

1 पतरस 3:14

लिकिन नीम दौ नन्ना चड्डे दुक्‍खे चॊद्दर होले, नीम धर्मेस ती आसीस ख़क्‍खोर। नेम्हा पुथी नू लिक्खरका लेक्खा नना का, “नीम आर ही इल्चताना गुट्ठी गे अमके एल्‍चा अरा अमके धुकपुकर'आ।”

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 पतरस 4:14

नीम मसीसिन पत्त'ऊ र'अना चड्डे निम्है निंदा मनी होले, नीम धर्मेस ती आसिस ख़क्खुर दिम हिकदर। एन्देरगेका महबा ती निंद्रका धर्मेसी बॊलतस निम्है नू मड़दस।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

1 पतरस 5:4

नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।

1 यॊहन 4:19

नाम चोन्हा नन्दत एन्देरगेका मुन्द धर्मेस नमन चोन्हा नंजस।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।

दहदर मंजका कत्‍था 3:21

एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।