याकॊब 1:10 - पुना गच्छरना NT (BSI)

¹⁰ लिकिन पत्त'ऊ भईस नॆ उरुब र'अदस, आस धर्मेस तंगा गे चिच्का बॊलता ही लुदऊ जिया ही चड्डे फुलई मन्ना र'ई, एन्देरगेका आस लट्टी ही पूंप लेक्खा नठार'ओ क'ओस।

याकॊब 1:10 ပူးပေါင်းရင်းမြစ်များ

मत्तायोस 5:3

“नॆ तम्‍है बॊलता ही चाड़ गे धर्मेस म‍इय्याँ असरा उइय्यरकी र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

मत्तायोस 6:30

इन्ना टोंका नू र'ऊ अरा नॆला चिच्‍ची नू च'ऊ लट्टी गे धर्मेस फबना ऎथ्रना चि'अदस होले, अना पत्त'अना नू पयहा आलारो, धर्मेस निमन मानिम नू ऎरोस ख़ॊजोस दने।

1 कोरिन्‍थ 7:31

अरा नॆ ई ख़ॆख़ेलन ता जिनिसन ब‍उरारनर, आर अबड़ा ही गने बग्‍गे पत्तार'ऊ मल मन्ना र'ई। एन्‍देरगेका ई ख़ॆख़ेल बग्गे उल्ला गूटी मल र'ओ।

फिलिप्‍पी 3:8

ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

याकॊब 4:14

नीम इदन हूँ बलदर का नॆला निमा गे एन्‍देर मनो महले निम्है उज्जना नू एन्देर मनो। निम्है उज्जना गा पैरी ता कीबा लेक्खा र'ई, आद एगघड़ी ईथर'ई अरा ख़ॊख़ा आद उधियार'ई।

1 पतरस 1:24

एन्देरगेका नेम्हा पुथी एन्ने ब'ई का, “उर्मी आलर लट्टी लेक्‍खा र'अनर, अरा आर ही ओर्मा महबा लट्टी ही पूंप लेक्‍खा र'ई। लट्टी ख़ा'ई क'ई अरा पूंप निदगी क'ई।

1 यॊहन 2:17

ख़ॆख़ेल अरा अदही चिबाख़ारना आबो मुंजुर'ओ क'ओ। लिकिन धर्मेसी मनेन ननुस गा जनमजुग गे बन्चका र'ओस।