इब्रानी 9:9 - पुना गच्छरना NT (BSI)

⁹ ई कोहाँ कुम्‍बा अक्‍कु ता बेड़ा ही जोक्‍खा लेक्‍खा र'ई। अइय्या एन्ने दान अरा दाँड़े गुट्ठिन अरगनर, अत्रु अइय्या महबा ननू आलर ही लखनन पखड़ नना पुल्‍ली।

इब्रानी 9:9 ပူးပေါင်းရင်းမြစ်များ

रोमी 5:14

आदमसी परिया ती मूसासी परिया गूटी आलर आदमस धर्मेसी पॆसकन चाड़ियस आ लेक्‍खा आर हूँ पॆसकन चाड़ियर ती पाप मल नंजर। अन्नु हूँ आर खे'अना बारिम रहचर। ई आदमस ख़ॊख़ा बरचस आ मसीसी कट‍इसकेम चिन्‍हा र'अदस।

गलातिया 3:21

होले नॆग धर्मेसी गच्‍छरना गुट्ठी ही बिड़दो नू र'ई का? कईहो मला! एन्ने नॆग चीरकी रहचा एकदा उज्‍जना चि'आ ऊंगी होले, नाम नॆगन पॆस्रना ती धर्मेसी मुन्‍दहारे उजगो आल मनोस दने।

इब्रानी 10:11

उर्मी नैगर गा गोड़हा ही मुन्‍दहारे इजनर ती उर्मी उल्‍ला तम्‍है नैग नलखन नन्नर। अरा घड़ी घड़ी उनुम मदहे दाँड़ेन अरगनर। इबड़ा दाँड़े गा पाप गुट्ठिन ओथ्र'आ गे कहियों पुल्‍ली।

इब्रानी 11:19

एन्‍देरगेका आस पत्ताचस का धर्मेस गा केचकारिन हूँ उज्‍जता ओंग्दस। ओन मदहे ती एन्ने ब'आ ओंगोत का आस इसाकसिन केचका तिम फिन ख़क्‍खियस।

इब्रानी 5:1

उर्मी कोहाँ नैगर गा आलर तिम चाजतारका आलर गे आर ही अड्डा नू आस धर्मेसी मुन्‍दहारे तेतर-सुसर ननरकी आर ही कत्‍था गुट्ठिन ननू आलस ओक्‍तारदस। ईसिम आर ही दान गुट्ठिन अरा पाप गुट्ठी गे दाँड़े गुट्ठिन अरगदस।

इब्रानी 7:11

लेवी गोतर ती बरचका नैगर ही नैग नलख धर्मेस ती इस्राऎल आलर गे ख़क्‍ख्रका नॆग ती र'ई। ई लेवी गोतर ता नैगर ही नलख ती धर्मेसी बेद्दना बड़ियर मन्ना मल मंजा, ख़ने आरॊनसी बनसन अम्‍बियस ती मेलख़िसेदेक नैगासी लेक्‍खा नन्ना नैगस बरना चाड़ रहचा।

इब्रानी 8:4

आस ख़ॆख़ेल नू रहचका होले, आस नैग मल मनोस दने। एन्‍देरगेका इसन मूसासी नॆग ही लेक्‍खा दान गुट्ठिन अरग'ऊ नैगर मुन्‍द तिम र'अनर।

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।