इब्रानी 9:2 - पुना गच्छरना NT (BSI)

² एकासे का ओन्‍टा कोहाँ कुम्‍बा कमतारकी रहचा। अइय्या दुई भाग रहचा। मुन्‍द ता भाग नू टट्ठी ‍अरा टीबुल अरा टीबुल म‍इय्याँ धर्मेस गे दाँड़े अरगका असमा गुट्ठी रहचा। अरा आद नेम्‍हा अड्डा बार'ई।

इब्रानी 9:2 ပူးပေါင်းရင်းမြစ်များ

मत्तायोस 12:4

आस धर्मेसी एड़पा नू कालरकी नैगस धर्मेस गे दाँड़े नंजका असमन मोक्‍खस, अरा तंग्‍है संगेर गे हूँ चिच्‍चस, एकदन मॊख़ना मूसासी पॆसका नू नैगारिन अम्‍बरकी नॆका हूँ नॆग मल्‍ला।

मत्तायोस 5:15

अन्नेम आलर बिल्‍लिन लघा ब'अनर ती ढक्‍की ती मल कुल्‍लनर महले ढक्‍की किइय्‍या मल उइय्‍नर। लिकिन बिल्‍लिन पक्‍खा नू उइय्‍नर। होले ओर्मर गे बिल्‍ली ईथ्र'ई।

इब्रानी 9:25

एकासे कोहाँ नैगस चानुम ओंग्‍होन ओंग्‍होन मेक्‍खो ही ख़ॆंसन हो'अदस ती कोड़हे नेम्‍हा अड्डा नू कोरदस, लिकिन मसीस तंगन घड़ी घड़ी दाँड़े अरग'आ गे मेर्ख़ा मल कोरचस।