इब्रानी 8:2 - पुना गच्छरना NT (BSI)

² अरा आस असन कोड़हे नेम्‍हा अड्डा नू सुसर नन्‍दस। ईदिम महबा नन्ना ही मानिम अड्डा हवे। इदिन आलर मल्‍ला कमचका लिकिन धर्मेस दिम कमचकादस।

इब्रानी 8:2 ပူးပေါင်းရင်းမြစ်များ

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

रोमी 15:8

ऎन ब'अदन का एका गच्‍छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस।

2 कोरिन्‍थ 5:1

नाम अख़दत का नम्है मॆद एकदा इसन ई ख़ॆख़ेल नू नाम उज्जना एड़पा धस्‍तार'ओ कालो, लिकिन नमा गे धर्मेस तरती मेर्ख़ा नू आलर ती मल कम्रका ओन्टा एड़पा र'ई, आद जनमजुग र'ओ।

कोलोस्से 2:11

नीम निम्है पाप ही सुबहा आबोन अम्बका ती नीम हूँ मसीस नू खतना ख़क्खकादर। ई खतना आलर ही ख़ेक्खा ती मल मंजकी र'ई, लिकिन मसीस ती मंजकी र'ई।

इब्रानी 10:11

उर्मी नैगर गा गोड़हा ही मुन्‍दहारे इजनर ती उर्मी उल्‍ला तम्‍है नैग नलखन नन्नर। अरा घड़ी घड़ी उनुम मदहे दाँड़ेन अरगनर। इबड़ा दाँड़े गा पाप गुट्ठिन ओथ्र'आ गे कहियों पुल्‍ली।

इब्रानी 10:21

अरा आस नम्‍है कोहाँ नैगस र'अना ती आस धर्मेसी एड़पा ता आकुस ननुस र'अस।

इब्रानी 11:10

एन्‍देरगेका आस धर्मेसी ती चिताबुता नंजका अरा कमचका जनमजुग ही नगरे ही पाब ऎरा लगियस।

इब्रानी 9:1

मुन्‍द ता आ गच्‍छरना नू धर्मेसिन महबा नन्ना ही चाल गुट्ठी रहचा, अरा ई ख़ॆख़ेल ता महबा नन्ना ही नेम्‍हा अड्डा ही पत्त नू रहचा।

दहदर मंजका कत्‍था 21:3

फेन ऎन बॆल-गदिया ती एन्ने ब'अना ओन्टा जॊरसरिया ब'अनन मेजकन, “ऎरा, अक्कुन धर्मेसी डेरा आलर मझी नू र'ई। आस आर ही गने डेरा ननोस अरा अबड़र आसी आलर मनोर। अरा धर्मेस तानिम आर ही गने र'ओस ती आर ही धर्मे मनोस।