इब्रानी 7:6 - पुना गच्छरना NT (BSI)

⁶ लिकिन मेलख़िसेदेक गा लेवी गोतर ता मल रहचस। अन्नु हूँ अब्राहमस ती आस दसमांस ख़ूजियस। अरा धर्मेस ती गच्‍छरका गुट्ठिन ख़क्‍खका अब्राहमसिन आस आसीस नंजस।

इब्रानी 7:6 ပူးပေါင်းရင်းမြစ်များ

त‍इरकर 3:25

नीम अबड़ा धर्मेसी कत्‍था तिंगुर ही जंईपुंई र'अदर। अरा नीम धर्मेस निम्‍है पूरखर गने नंजका गच्‍छरकन ख़क्‍खकर। आस निम्‍है बंगस अब्राहमसिन बाचस, ‘निंग्है बनस गुट्ठी ती गोट्टा ख़ॆख़ेल ता आलर बरकत ख़क्‍खोर।’

रोमी 4:13

अब्राहमस अरा आसी बनस गोट्टा ख़ॆख़ेलन ख़क्‍ख'ओर एन्ने धर्मेस ती गच्‍छरका ख़क्‍खियर। ई गच्‍छरका पॆसकन पॆस्रना ती मला लिकिन पत्त'अना ती धर्मेसी ऎरना नू उजगो आल मन्ना ती ख़क्‍ख्रकी रहचा।

रोमी 9:4

आर इस्राऎल आलर हिकनर, अरा धर्मेसी गोद उइय्‍का ख़द्दर हिकनर। अरा आर धर्मेसी महबा आबोन ईरका र'अनर। अरा आर गे धर्मेसी अरा तम्‍है गने ता धर्मेसी गच्‍छरना र'ई। अरा धर्मेस आर गे चिच्का मूसासी पॆसका अरा महबा नन्ना ही नॆग अरा गच्‍छरना गुट्ठी र'ई।

गलातिया 3:16

गच्‍छरना गुट्ठी अब्राहमस गे अरा आसी जंईपुंई गे चीरकी र'ई। धर्मेस एन्ने मल बाचस का “निंग्‍है जंईपुंईर गे” इदही मने बग्‍गेर गे एन्ने र'ई। लिकिन धर्मेस बाचस, “निंग्‍है जंईपुंई गे” इदही मने ओर्तोस गे एन्ने र'ई। आ आलस येसुस हिकदस।

इब्रानी 11:13

पत्त'अना ती उज्‍जका इबड़ा ओर्मा आलर खे'अना बेड़ा नू हूँ आ पत्त'अना ती केच्‍चर। एन्‍देरगेका गच्‍छरका आलॊ गुट्ठिन आर आ बेड़ा नू मल ख़क्‍खियर। लिकिन अबड़न गेच्‍छा तिम ईरियर अरा परघाचर ती रिझ्रर। अरा आर इंझ्रर का आर ख़ॆख़ेल नू बहरीतर अरा नन-राजियतर।

इब्रानी 11:17

पत्त'अना ती अब्राहमस धर्मेस ती बिढ़तारस ख़ने इसाकसिन ओन्‍टा दाँड़े बेसे अरगस। आस धर्मेसी गच्‍छरका गुट्ठिन ख़क्‍खियस। आ गच्‍छरका नू धर्मेस आसिन एन्ने बाचका रहचस, “इसाकस तिम निंग्‍है बनस गुट्ठी मनो।” अन्नु हूँ आस तंग्‍है ओन्‍टे लेका ख़द्दासिन दाँड़े नना गे सपड़ाचस।

इब्रानी 7:1

ई मेलख़िसेदेक सालॆम नगरे ता बॆलस अरा उर्मी ती कोहाँ धर्मेसी नैगस हूँ रहचस। अब्राहमस बॆलारिन जितचस ती किर्रा लगियस ख़ने ईसिम आसिन भेंटारस ती आस गे आसीस चिच्‍चस।

इब्रानी 7:7

इय्या दोभिदी मल्‍ला का सन्निस कोहँस ती आसीस ख़क्‍खदस।