इब्रानी 7:1 - पुना गच्छरना NT (BSI)

¹ ई मेलख़िसेदेक सालॆम नगरे ता बॆलस अरा उर्मी ती कोहाँ धर्मेसी नैगस हूँ रहचस। अब्राहमस बॆलारिन जितचस ती किर्रा लगियस ख़ने ईसिम आसिन भेंटारस ती आस गे आसीस चिच्‍चस।

इब्रानी 7:1 ပူးပေါင်းရင်းမြစ်များ

मरकुस 5:7

ख़ने येसुस आसिन बाचस, “हे मलदौ बॊलता, ई आलस ती उरखय बरय।” ख़ने आस चिच्चि‍यारनुम बाचस, “हे येसु! उर्मी ती कोहाँ धर्मेसी ख़द्दायो, एंग्‍है गने निंगा एन्‍देर नलख? ऎन धर्मेसी नामे ती किरया मॊख़दन का एंगन दुक्‍खे अमा चि'आ।”

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”

इब्रानी 6:20

एन्‍देरगेका असन येसु मसीस नम्‍है ती मुन्‍द नमा गे केरका र'अदस। आस मेलख़िसेदेक लेक्‍खा उर्मी उल्‍ला गे नम्‍है कोहाँ नैग मंजका र'अदस।

इब्रानी 7:2

तहाँ अब्राहमस तान जितचका ती ओन्‍द्रका उर्मी जिनिस ही दसमांस मेलख़िसेदेकस गे चिच्‍चस। मेलख़िसेदेक नामे ही माने “उजगो ही बॆलस”, अरा सालॆम ही बॆलस ही माने “कोड़े ही बॆलस” हवे।

इब्रानी 7:3

ईसी बंगस महले ईसी अयंग महले ईसी खूंटी महले ईसी उज्‍जना ही ऒर महले ईसी उज्‍जना ही मुंज्रना ही पत्त नू नॆ हूँ बलनर। ईस धर्मेसी ख़द्दस लेक्‍खा उर्मी उल्‍ला गे नैगस कम्रका र'अदस।

इब्रानी 7:6

लिकिन मेलख़िसेदेक गा लेवी गोतर ता मल रहचस। अन्नु हूँ अब्राहमस ती आस दसमांस ख़ूजियस। अरा धर्मेस ती गच्‍छरका गुट्ठिन ख़क्‍खका अब्राहमसिन आस आसीस नंजस।