इब्रानी 6:2 - पुना गच्छरना NT (BSI)

² अरा नॊड़ना मंजना गुट्ठी ही पत्त ता सिखाब'अना, अरा पत्त'ऊ आलर ही म‍इय्याँ ख़ेक्खा गुट्ठी उइय्ना, अरा केच्‍कर ही उज्‍जा चो'अना, अरा धर्मेसी रायबड़ी ती जनमजुग ख़क्‍ख्रना ही पत्त ता कत्‍था।

इब्रानी 6:2 ပူးပေါင်းရင်းမြစ်များ

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मत्तायोस 3:14

लिकिन यॊहनस एन्ने बाचस ती छेंकचस, “एंगा गा निंग्‍है ती नॊड़रना ही चाड़ र'ई अरा नीन एंग्‍है गुसन बरचकादय।”

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

मरकुस 7:4

अन्नेम आर बजार ती किर्रनर ख़ने हूँ आर तमन बिगर नॊड़रका मल ओन्नर। लोटा अरा मौनी अरा तांमा ही संजगिन नॊड़ना मंजना, एन्ने कैनो गोटंग चाल र'ई, अबड़ा नू हूँ आर ऎकनर।)

मरकुस 7:8

निमन धर्मेस एन्‍देर पॆसस अदन तरकूटी नन्‍दर, लिकिन आलर ही चालन चिहुंक लगे नन्‍दर।”

लू‍कस 11:38

मंडी ओन्ना ती मुन्‍द येसुस ख़ेक्खन मल नॊंढ़रस, इदन फरिसीस ईरियस ती अकबक मंजस।

लू‍कस 12:50

एंगा सस्‍ती अरा खे'अना ही ओन्‍टा नॊड़रना हो'अना र'ई अरा अदही मन्ना गूटी ऎन खिलपत नू र'अदन।

लू‍कस 14:14

एन्‍देरगेका आर निंगा गे मल किर्रत'ओर, होले नीन आसीस ख़क्‍खोय। लिकिन उजगो आलर ही उज्‍जा चो'अना उल्‍ला नू नीन आसीस ख़क्‍खोय अरा निंगा किर्रतार'ओ।”

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

यॊहनस 1:33

ऎन हूँ आसिन बल्‍ला लिक्‍कन। लिकिन एंग‍न नॆ अम्मु ती नॊड़रत'आ गे तइय्यस, आसिम एंगन बाचस ‘नीन नॆख'आ मइय्याँ नेम्‍हा बॊलतन एत्तना अरा ओक्‍कनन ऎरोय, आसिम नेम्हा बॊलतस ती नॊड़रत'ओस।’

यॊहनस 5:29

अरा आर उज्‍जा चो'ओर। दौ नलख नंजका आलर जनमजुग उज्‍जनन ख़क्‍खा गे उज्जा चो'ओर, अरा मलदौ नलख नंजका आलर दंडे ख़क्‍खा गे उज्‍जा चो'ओर।

त‍इरकर 10:47

“ईर गे नम्‍है लेक्‍खम नेम्‍हा बॊलतस ख़क्‍ख्रका र'अदस, होले नेक‍ईम ईरिन अम्मु ती नॊड़रना ती छेक'आ ओंगोर का?”

त‍इरकर 13:3

तहाँ गोहरारना अरा उपास नन्ना ही ख़ॊख़ा आर स‍उल अरा बरनबास म‍इय्याँ ख़ेक्खा उइय्यर ती आरिन त‍इय्यर।

त‍इरकर 16:15

आद तंग्‍‍है गोट्टा एड़पातर गने नॊड़रा। ख़ने आद एमन गोहरार'आ, “नीम एंगन उर्बासी पत्त'ऊ आली बुझ्रदर होले, एंग्‍है गुसन गुचा ती र'आ।” अरा आद एमन बड़पेलहा ती होच्‍चा केरा।

त‍इरकर 16:33

आ माख़ा आ बारिम आस आरिन होच्‍चस ती आर ही खसरा गुट्ठिन नूड़ियस। अरा लॆम तान अरा तंग्‍है उर्मी एड़पातर नॊड़रर।

त‍इरकर 17:18

अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 23:6

फिन पौलुस अबड़र नू ओन्‍टा खोंड़हा सदुकीर ही अरा नन्ना खोंड़हा फरिसीर ही एन्ने अक्‍खस ती कोहाँ सभा नू चिच्चि‍यारस ती बाचस, “अना भ‍ईरो, ऎन फरिसी आलन अरा फरिसीर ही ख़द्द हिकदन, केचका आलर ही उज्‍जा चो'ओर एन्ने एंग्‍है असरा ही पत्त नू एंग्‍है नेंव‍ई मना लगी।”

त‍इरकर 24:15

एंगा धर्मेस ती असरा र'ई, एकासे ईर गे हूँ र'ई का, उजगो आलर अरा पपहर इरबर ही उज्‍जा चो'अना मनो।

त‍इरकर 24:21

ऎन आर ही मुन्‍दहारे इज्‍जना बेड़ा नू, ‘केचकर ही उज्‍जा चो'अना ही पत्त नू इन्ना निम्‍है मुन्‍दहारे एंग्‍है नेंव‍ई मना लगी’ एन्ने ई कत्था ही लेका ऎन जॊरसरिया बाचका रहचकन।”

त‍इरकर 24:25

पौलुस उजगो अरा कयास अरा बरना रायबाडी ही पत्त नू तेंगा लगियस। ख़ने फॆलिक्‍स गे इल्‍चिक'आ कोरचा अरा आस बाचस, “अक्‍कुन गा नीन काला ओंग्‍दय, मोका ख़क्‍ख्र'ओ, ऎन निंगन फेनिम मॆख़ोन।”

त‍इरकर 26:8

धर्मेस केचका आलारिन उज्‍जा चॊद्दस, इदिन असरा जॊगे नलख मलकी एन्ने नीम एन्‍देरगे सोचदर?

त‍इरकर 4:2

आर कैरारका रहचर, एन्‍देरगेका पतरस ‍अरा यॊहनस आलारिन सिखाब'आ लगियर का येसुस केचका ती उज्जा चॊचका र'अदस। औंगे आर‍ सोच्चर का आलर ताम हूँ केचका ती उज्जा चो'आ ओंग'ओम एन्ने पत्त'आ ओंगोर दने।

त‍इरकर 6:6

ईरिन त‍इरकर ही मुन्‍दहारे ओन्द्रर। अरा आर गोहरारर ती आर ही म‍इय्याँ ख़ेक्खा ओक्‍ताचर।

रोमी 2:16

ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।

1 कोरिन्‍थ 10:2

अरा आर ओर्मर बदाली ही ऎख़ नू काना अरा समुदरन कट्टरकी काना मूसासी चॊख़र'उर मना गे नॊड़रत'अना लेक्खा रहचा।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

2 कोरिन्‍थ 5:10

एन्‍देरगेका नाम ओर्मत मसीसी नेंवई बॆल-गद्दी ही मुन्दहारे इज्जना मनो। ख़ने नाम ओर्त ओर्त कया नू र'अना बेड़ा नंजका दौ मलता मलदौ ही ऊजिन ख़क्‍खोत।

फिलिप्‍पी 3:21

आस नम्है पैहा नठारना ही मॆदन तंग्है महबा ही मॆद लेक्‍खम कम'ओस चि'ओस। उर्मी आलॊ गुट्ठिन तंग्है तबे नू ओन्द्रना गे पया चि'ऊ सवंग ती आस इदन ननोस।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

2 तीमोथियुस 2:18

आर मानिम कत्‍था सिखाब'अनन अमबियर चिच्‍चर। आर ब'अनर का केचका ती उज्‍जा चो'अना मंज ख़च्‍चकी र'ई। एन्ने ब'अना ती जोक्‍क आलर ही पत्त'अनन बगड़'अनर।

इब्रानी 11:35

जोक्‍क मुक्‍कर तम्‍है केचकारिन उज्‍जना ख़क्‍खियर। अरा नन्नर गा मार मूख़नुम मूख़नुम रहचर ती अम्‍बर'आ गे मल बिद्दियर, एन्‍देरगेका आर धर्मेसिन अम्‍बा मल बिद्दियर। आर ही असरा एन्ने रहचा का केचका ती उज्‍जा चो'अना नू ओन्‍टा बॆस उज्जना ख़क्‍खा ओंगोर।

इब्रानी 9:10

अबड़ा गा ओन्ना-मॊख़ना ही आलॊ गुट्ठी अरा रकम रकम ही नॊड़ना मंजना ही मॆद ही चाल गुट्ठी हवे, एकदा पुना नॆत बरना गूटी गा नलख मनी।

2 पतरस 3:7

लिकिन धर्मेस अक्कु ता मेर्ख़ा गुट्ठिन अरा ख़ॆख़ेलन नेंवई उल्ला गूटी र'आ गे पॆसकन चिच्चस। फेन अबड़ा चिच्ची ती बस्सा गे उइरकी र'ई। अरा धर्मेसिन मल इल्चुर नठार'ओर।