इब्रानी 5:9 - पुना गच्छरना NT (BSI)

^9-10 आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

इब्रानी 5:9 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

लू‍कस 13:32

आस आरिन बाचस, “कला ‍अरा आ सिकटासिन ब'आ। ऎरा, ऎन इन्ना दरा नॆला नाद गुट्ठिन ओथ्रदन अरा बेमरहारिन कोड़े नन्‍दन, अरा तिसर उल्‍ला नू एंग्‍है तिगिचका नलखन मुंज'ओन।

यॊहनस 19:30

येसुस तिस्‍सा अंगुर रासिन ख़क्‍खियस ख़ने, आस बाचस, “ईद पूरचकी र'ई।” अरा तंग्‍है कुक्‍कन तुरऊ नंजस ती तंग्‍है जियन बिच्‍छरस।

त‍इरकर 3:15

अरा नीम उज्‍जना ही अक्‍स'उसिन पिटकर, अरा आसिन धर्मेस केचका ती उज्‍जना चॊदस, अरा इबड़ा कत्‍था ही ऎम गोवाह र'अदम।

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

त‍इरकर 5:32

ऎम इबड़ा कत्‍था ही गोवाह हिकदम, अरा धर्मेस तंगन पॆस्र'उर गे चिच्का नेम्‍हा बॊलतस हूँ गोवाह र'अदस।”

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 10:16

अन्नु हूँ ओर्मा इस्राऎलर दौ कत्‍थन मल इंझ्रर। होले धर्मेसी कत्‍था तिंगू यसायास एन्ने बाचस, “उर्बायो! नॆ एम्‍है कत्‍थन पत्ताचर?”

रोमी 15:18

एन्‍देर ऎन बाचकन अरा एन्‍देर ऎन नंजकन, इत्रु ती नन-यहूदीर धर्मेसिन मन'आ गे मसीस एंग्‍है ती नंजका कत्‍थन अम्‍बरकी एंगा एकअम कत्‍था ही पत्त नू ब'अना ही डिढ मल मनो।

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

रोमी 6:17

धर्मेसी धन्‍यवाद नन्‍दन का नीम गा मुन्‍द पाप ही बिट्ठी ननू जॊंख़ रहचकर, लिकिन अक्‍कु नीम मानिम नू आ सिखाब'अना ही डहरे नू ऎका हेलरकर, एकदन ऎम निमा सिखाबाचकम।

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

फिलिप्‍पी 2:12

औंगे अना एंग्है चोन्हा आलारो, नीम सगरो एंग्‍है पॆसका गुट्ठिन पॆस्रनुम बर'आ लगदर, अन्नेम एंग्‍है र'अना बेड़ा नू लेका मला, अक्‍कु ऎन निंग्‍है ती गेच्‍छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्‍चनुम अरा असरनुम नलखन नन्नुम कला।

2 थेस्‍सलोनिकॆयर 1:8

आ बेड़ा नू धर्मेसिन मल चिन्‍हनर आरिन अरा नम्‍है येसु मसीसी दौ कत्‍थन मल पॆस्रनर आरिन दंडे चि'ओस।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

इब्रानी 11:40

धर्मेस गा नमा गे ओन्‍टा बॆस जिनिसन चि'आ गे चिताबुता नंजकादस। एन्‍देरगेका आस बेद्ददस का आस तंग्‍है गच्‍छरनन आर गने पूरा ननो बारी नाम आर गने संगे चि'आ ओंगोत।

इब्रानी 11:8

पत्त'अना ती अब्राहमस, तंगा गे गच्‍छरका अड्डा काला गे धर्मेस ती मॆख़्रस, ख़ने अदिन मन्‍चस ती उरखस केरस। तान एसन काला लगियस अदिन हूँ बल्‍ला लगियस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 2:10

धर्मेस उर्मी जिनिसन कमचस, अरा अबड़ा उर्मी आसी महबा गे र'ई। आस मने नंजस का आसी महबन बग्‍गे ख़द्दर हिसा मनोर। औंगे आस आलर ही नाड़रना ही उर्बस मसीसिन आसी दुक्‍खे चॊदना ती ओन्‍टा पखड़ मुद्धस कमचस।

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।

इब्रानी 9:12

मसीस बोकड़ा अरा बछरु गुट्ठी ही ख़ॆंस ती मला, लिकिन तंग्‍है ख़ॆंस ती दिम ओंग्‍होन लेका कोड़हे नेम्‍हा अड्डा नू कोरचस, औंगे आस जनमजुग नाड़रनन नमा गे चि'आ उंगियस।

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

इब्रानी 9:28

अन्नेम मसीस हूँ बग्‍गे आलर ही पाप गुट्ठिन ओथ्र'आ गे ओंग्‍होन दाँड़े मन्‍तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्‍द्र'ओस बर'ओस।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

यहूदा 1:21

अरा धर्मेसी चोन्हा नू कमरका र'आ। नम्है उर्बस येसु मसीसी सोग्गे नमा गे जनमजुग उज्जनन ओन्द्र'ओ आ उल्ला ही पाब ऎरा।