इब्रानी 5:7 - पुना गच्छरना NT (BSI)

⁷ येसुस ख़ॆख़ेल नू उज्‍जना बेड़ा, नॆ आसिन खे'अना ती बछाब'आ ओंग्दस आ धर्मेसिन चिच्चि‍यारनुम अरा चींख़नुम गोहरारस ती बिन्‍ती नंजस। आस धर्मेसिन कोहाँ म‍ईन नन्ना ती आसी गोहरारनन धर्मेस मेंजस।

इब्रानी 5:7 ပူးပေါင်းရင်းမြစ်များ

मत्तायोस 27:46

ओनबीड़ी तीन बजे येसुस जॊरसरिया चिच्चियारनुम बाचस, “ऎलॊइ, ऎलॊइ लेमा सबख़तानी।” इदही माने, “एंग्‍है धर्मे, एंग्‍है धर्मे नीन एंगन एन्‍देरगे अम्‍बकय?”

मत्तायोस 27:50

ख़ने येसुस अउर हूँ जॊरसरिया चिच्चियारस ती तंग्‍है जियन बिच्‍छरस।

मरकुस 15:34

ओनबीड़ी तीन बजे येसुस जॊरसरिया चिच्चि‍यारनुम बाचस, “ऎलॊइ, ऎलॊइ लेमा सबख़तानी।” इदही माने, “एंग्‍है धर्मे, एंग्‍है धर्मे नीन एंगन एन्‍देरगे अम्‍बकय?”

मरकुस 15:37

ख़ने येसुस जॊरसरिया चिच्चि‍यारस ती तंग्‍है जियन बिच्‍छरस।

लू‍कस 23:46

अरा येसुस जॊरसरिया चिच्चि‍यारनुम बाचस, “अना बबा, ऎन एंग्‍है बॊलतन निंग्‍है ख़ेक्खा नू अम्‍बदन।” अरा एन्ने बाचस ती आस तंग्‍है जियन बिच्‍छरस।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 11:35

येसुस ख़ंजलख़ो चुरख़स।

यॊहनस 11:42

अरा ऎन अख़'आ लिक्‍कन, नीन सदौ एंग्‍हैन मेन्‍दय। लिकिन इसन ओनबेंड़र'आ इज्‍जका आलर ही चड्डे ऎन एन्ने बाचकन का आर पत्त'आ ओंगोर का नीन एंगन तइय्कादय।”

यॊहनस 17:1

इबड़ा कत्‍थन येसुस बाचस मुंजियस ती आस मेर्ख़ा तरा मॆन ईरिय‍स ती गोहरारस, “अना एंग्‍है बंगायो, बेड़ा अंड़सकी र'ई, निंग्‍दस एंग्‍है महबन नीन आलर गे दहदर नना, का ऎन आलर गे निंग्‍है महबन ऎद'आ ओंग्दन।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

इब्रानी 10:10

ई लेक्‍खम आसी मने ती नाम येसु मसीसी मॆद ही उनीम हॆल दाँड़े मन्ना ती नेम्‍हा मन्‍तारका र'अदत।

इब्रानी 10:5

इदगेम येसुस ख़ॆख़ेल नू बरना बेड़ा नू धर्मेसिन बाचस, “दाँड़े अरा दान गुट्ठिन नीन मल बिद्दकय, लिकिन एंगा गे ओन्‍टा मॆदन दाँड़े अरग'आ गे सपड़ाचकय।

इब्रानी 11:7

पत्त'अना ती नूहस आ बेड़ा गूटी मल ऎथ्रका कत्‍था गुट्ठी ही चेता ब'अनन ख़क्‍खियस ती धर्मेसिन मन्‍चस। अरा आस तंग्‍है एड़पातारिन बया बड़ही ती बछर'आ गे कोहाँ डोंगा कमचस। अरा आस तंग्‍है पत्त'अना ती आ बेड़ा ता ख़ॆख़ेल ता उर्मी आलारिन बदी ठेकाबाचस, अरा पत्त'अना ती मनी आ उजगो आबोन ख़क्‍खियस।

इब्रानी 12:28

औंगे नाम गा नुकतार'आ पोलना राजिन दिम ख़क्‍खालदत। ई चड्डे नाम धन्‍यवाद ननरकी म‍ईन अरा इल्चका गने महबा ननरकी धर्मेसिन रिझ्रत'अदत नेक‍अन।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

इब्रानी 2:14

एन्‍देरगेका धर्मेसी ख़द्दर अहड़ा अरा ख़ॆंस ती कम्रका मनवा आलॊ हिकनर, औंगे येसुस हूँ आर लेक्‍खा अहड़ा अरा ख़ॆंस नू मंजस। तंग्‍है खे'अना ती खे'अना ही अदिया उइय्यू सैतान आबोन नास नना गे आस एन्ने मंजस।

1 यॊहन 4:3

लिकिन ओर्तस तंगन धर्मेसी कत्था तिंगुस ब'अदस ती येसु मसीसी पत्त ता मानिमन मल तेंग्रदस होले, आस धर्मेस तरती मल र'अदस। बर'ओ एन्ने नीम मेंजका रहचका ठकवा मसीसी बॊलता ईदिम हिके। अक्कु आद ख़ॆख़ेल नू बरच ख़च्चकी र'ई।

2 यॊहन 1:7

ई ख़ॆख़ेल नू बग्गे भुरइ'ऊ आलर चॊचका र'अनर, आर मल पत्त'अनर का येसु मसीस आल कया नू मंजस ती ख़ॆख़ेल नू बरचस। ईरिम भुरइ'ऊ अरा ठकवा मसी हिकनर।