इब्रानी 5:5 - पुना गच्छरना NT (BSI)

⁵ अन्नेम मसीस हूँ कोहाँ नैग मन्ना ही म‍ईन आबोन तंग्‍है ती मल होच्‍चस। लिकिन धर्मेस आसिन चज्‍जियस। धर्मेस आसिन बाचस, “नीन एंग्‍है ख़द्दय, इन्ना ऎन निंग्‍है बंग मंजकादन।”

इब्रानी 5:5 ပူးပေါင်းရင်းမြစ်များ

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 7:18

नॆ तंग्‍है तरती ब'अदस आस तंगा गे मईन बेद्ददस। लिकिन नॆ तंग्‍है त‍इय्युस गे मईन बेद्ददस, आस मानिम जॊगे आलस र'अस, अरा आस नू फंगटिया कत्‍था मलकी।

यॊहनस 8:54

येसुस आनाकिर्ताचस, “ऎन ऎनिम एंगन म‍ईन ननोन होले, एंग्‍है म‍ईन एन्‍देर हूँ मल्‍ली। लिकिन एंगन म‍ईन ननुस एम्‍बस हिकदस, अरा नीम ब'अदर आस निम्‍है धर्मेस।

त‍इरकर 13:33

आस येसुसिन केचका ती उज्‍जताचस चॊदस ती आसी ख़द्दर नमा गे आ गच्‍छरकन मानिम नंजस। एकासे का दाऊदसी दोसर डंडी नू लिख्रकी र'ई, ‘नीन एंग्‍है ख़द्दय, इन्ना ऎन निंग्‍है बंग मंजकादन।’

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

इब्रानी 1:1

चिरान नू धर्मेस गा घड़ी घड़ी अरा नन्ना नन्ना घत ती नम्‍है पुरखारिन धर्मेसी कत्‍था तिंगुर ती बाचका रहचस।

इब्रानी 1:5

धर्मेस गा एक‍अम मेर्ख़ा पैकर ती इकल‍अम मल बाचस, “नीन एंग्‍है ख़द्दय, इन्ना ऎन निम्‍है बंग मंजकादन।” अरा अउर हूँ मल बाचस, “ऎन आसी बंग मनोन, अरा आस एंग्‍है ख़द्दस मनोस।”

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।