इब्रानी 5:2 - पुना गच्छरना NT (BSI)

² आस मल बुझ्र'उर ती अरा बेहड़ारका आलर ती लुदऊ जिया ती कछनख्र'ऊ आलस र'अदस, एन्‍देरगेका आस तान हूँ तंग्‍हा नू एन्‍ने पयहा आलस र'अदस।

इब्रानी 5:2 ပူးပေါင်းရင်းမြစ်များ

लू‍कस 22:32

ऎन गा निंग्हा पत्त'अना मल अम्‍बर'आ गे बिन्‍ती नंजकन। एकाबारी नीन एंग्‍है गुसन किर्रोय निंग्‍है भ‍इय्योरिन बड़ियर ननके।”

2 कोरिन्‍थ 11:30

एंगा एकअम कत्‍था नू फुलई मन्ना र'ई होले, एंग्‍है पयहा आबोन ईद'ऊ आलॊ मइय्याँ ऎन फुलई मनोन।

2 कोरिन्‍थ 12:5

एन्ने आलासी पत्त तिम ऎन फुलई ननोन। लिकिन एंग्‍है पत्त नू एंग्‍है पयहा आबोन ईद'ऊ आलॊन अम्बरकी अउर नन्ना इन्द्रिइम नू हूँ फुलई मल मनोन।

गलातिया 4:13

नीम अख़दर का ऎन निम्‍है मझी नू पहिल खेप दौ कत्‍था तेंगा गे बरचकन, आ बारी ऎन कोड़े मल रहचकन।

इफेसुस 4:18

आर मानिम कत्थन बुझुरना नू पैहा र'अनर, अरा आर धर्मेसी चि'अना उज्‍जना ती छिन्‍डरका केरका ती उज्जनर। ईद तम्है जिया बेड़हा चड्डे मंजका आर ही लूर मलका ती मंजा।

1 तीमोथियुस 1:13

ऎन गा मुन्‍द मसीसिन हींड़'ऊ, अरा आसी आलारिन सताब'ऊ, अरा कड़‍'ऊ रहचकन। अन्नु हों धर्मेस एंग्‍है म‍इय्याँ सोग्‍गे ईरियस, एन्‍देरगेका ऎन मल पत्त'अना अरा बलना ती इबड़ा नलखन नंजकाचकन।

इब्रानी 12:13

अरा नीम निम्‍है उज्‍जना नू उजगो डहरे नू ऎका। होले निम्‍है उज्‍जनन ऎररकी निम्‍है गने चॊंख़्र'ऊ लेड़ह'ऊ आलर अउर हूँ लेड़हना ती नास मल मनरकी उजगार'ओर।

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 2:18

आस गे बिढ़्रना मंजा ख़ने, आस तानिम दुक्‍खे सारचस। औंगे आस बिढ़्रना नू दुक्‍खे सार'उर ही सहाड़ा नना ओंग्‍दस।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।

इब्रानी 7:28

मूसासी नॆग गा पपहर लेक्‍खा पयहा आलारिन कोहाँ नैग उकत'ई। लिकिन ई नॆग ही ख़ॊख़ा बरचका धर्मेसी किरया ही कत्‍था गा जनमजुग गे पखड़ नन्‍तारका धर्मेसी ख़द्दासिन कोहाँ नैग उकत'ई।

इब्रानी 9:7

लिकिन नन्ना भाग कोड़हे नेम्‍हा अड्डा नू कोहाँ नैगस लेका बछर नू ओंग्‍होन लेका कादस, अरा बिगर ख़ॆंस होच्‍चका मल कादस, अदिन आस तान अरा आलर बलका ती नंजका पाप गुट्ठी गे अरगदस।

याकॊब 5:19

अना एंग्है भईरो, निम्है नू एकअम ओर्तस धर्मेसी मानी डहरे ती बिलटारका केरकादस ख़ने, ओर्तस आसिन किर्रत'अदस ओन्‍द्रस होले,

1 पतरस 2:25

मानिम नू मुन्द नीम बेहड़ारका भेंडो लेक्‍खा रहचकर, लिकिन अक्‍कु निम्‍‍है जिया गुट्ठी ही ख़ापुस अरा ईरु-ख़ूजुस मसीस गुसन किर्रका बरचका र'अदर।