इब्रानी 5:1 - पुना गच्छरना NT (BSI)

¹ उर्मी कोहाँ नैगर गा आलर तिम चाजतारका आलर गे आर ही अड्डा नू आस धर्मेसी मुन्‍दहारे तेतर-सुसर ननरकी आर ही कत्‍था गुट्ठिन ननू आलस ओक्‍तारदस। ईसिम आर ही दान गुट्ठिन अरा पाप गुट्ठी गे दाँड़े गुट्ठिन अरगदस।

इब्रानी 5:1 ပူးပေါင်းရင်းမြစ်များ

रोमी 15:17

औंगे मसी येसुस नू धर्मेस गे ऎन एन्‍देर नलख नंजकन अदगे फुल‍ई नन्‍दन।

1 कोरिन्‍थ 15:3

ऎन ख़क्‍खका कत्‍था अरा कोड़हे मुध एन्ने बाचर ती निमा गे अंड़सताचका कत्‍था ईद हवे का, नेम्‍हा पुथी नू एकासे लिख्रकी र'ई, अन्नेम मसीस नम्‍है पाप गुट्ठी गे केच्‍चस।

इब्रानी 10:11

उर्मी नैगर गा गोड़हा ही मुन्‍दहारे इजनर ती उर्मी उल्‍ला तम्‍है नैग नलखन नन्नर। अरा घड़ी घड़ी उनुम मदहे दाँड़ेन अरगनर। इबड़ा दाँड़े गा पाप गुट्ठिन ओथ्र'आ गे कहियों पुल्‍ली।

इब्रानी 10:12

लिकिन नम्‍है कोहाँ नैगस येसुस गा पाप गुट्ठी ही उनिम दाँड़ेन सगर घड़ी गे अरगस ती धर्मेसी तीना चोक्‍ख उक्‍कियस।

इब्रानी 11:4

पत्त'अना ती हाबेलस कैनस ती बॆस दाँड़े धर्मेस गे अरगाचस। धर्मेस दिम आसी दान गुट्ठी ही पत्त नू दौ बाचस, ख़ने आस पत्त'अना ती आस उजगो आल एन्ने बॆस गोवाह ख़क्‍खियस। पत्त'अना ती हाबेलस केचका ख़ॊख़ा ती हूँ अक्‍कु गूटी आसी पत्त नू कछनख्रदत।

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 7:27

आस अबड़ा कोहाँ नैगर लेक्‍खा मल्‍दस, एकार उर्मी उल्‍ला मुन्‍द तम्‍है पाप गुट्ठी गे अरा फिन आलर ही पाप गुट्ठी गे दाँड़े गुट्ठी अरगना र'ई। लिकिन आर लेक्‍खा आस गे दाँड़े अरगना ही चाड़ मल्‍ला। एन्‍देरगेका येसुस गा तंगन दिम आलर ही पाप गे दाँड़े अरगस ती अदिन ओंग्‍होन लेका नू पूरा नंज ख़च्‍चियस।

इब्रानी 8:3

उर्मी कोहाँ नैगर दान गुट्ठिन अरा दाँड़े गुट्ठिन अरग'आ गे ओक्‍तारकानर। ई चड्डे नम्‍है कोहाँ नैगस गे हूँ इन्द्रिइम अरग'आ गे चाड़ र'ई।

इब्रानी 8:4

आस ख़ॆख़ेल नू रहचका होले, आस नैग मल मनोस दने। एन्‍देरगेका इसन मूसासी नॆग ही लेक्‍खा दान गुट्ठिन अरग'ऊ नैगर मुन्‍द तिम र'अनर।

इब्रानी 9:9

ई कोहाँ कुम्‍बा अक्‍कु ता बेड़ा ही जोक्‍खा लेक्‍खा र'ई। अइय्या एन्ने दान अरा दाँड़े गुट्ठिन अरगनर, अत्रु अइय्या महबा ननू आलर ही लखनन पखड़ नना पुल्‍ली।