इब्रानी 4:7 - पुना गच्छरना NT (BSI)

^7-8 औंगे धर्मेस ईद गे ओन्‍टा नन्ना उल्‍लन ओक्‍ताचस, इदिन दिम “इन्ना” एन्ने ब'अदस। एन्‍देरगेका यहोसुस इस्राऎल आलारिन ख़न्न ऎख़्रना अड्डा नू मं‍खिकाचस होले, धर्मेस बग्‍गे बेड़ा ही ख़ॊख़ा नन्ना उल्‍ला ही पत्त नू मल तिंका र'ओस दने। औंगेम गा आस नगदे चान ख़ॊख़ा दाऊदस ती बाचस, एकासे मुन्‍द बारकी र'ई, “इन्ना नीम आसी कत्‍थन मेनोर होले, निम्‍है जियन बेड़हा अमके नना।”

इब्रानी 4:7 ပူးပေါင်းရင်းမြစ်များ

मत्तायोस 22:43

आस आरिन में‍जस, “होले दाऊदस नेम्‍हा बॊलतस नू मन्‍दस ती आसिन एन्‍देरगे उर्बस ब'अदस। एकासे का,

मरकुस 12:36

दाऊद नेम्‍हा बॊलतस नू मनरकी बाचस, ‘धर्मे उर्बस एंग्‍है उर्बासिन बाचस का, नीन एंग्‍है तीना पक्‍खे ओक्‍करकी एंग्‍है गने राजी नना, ऎन निंग्‍है बैरीरिन नास नंज ख़च्‍चोन।’

लू‍कस 20:42

दाऊदस तानिम अस्सना-पाड़ना डंडी ही पुथी नू बाचस, ‘धर्मे उर्बस एंग्‍है उर्बासिन बाचस का नीन एंग्‍है तीना पक्‍के ओक्‍करकी एंग्‍है गने राजी नना,

त‍इरकर 2:29

अना भ‍ईरो! पूरखा दाऊदसी पत्त नू ऎन निमन बड़ियर गने ब'आ ओंग्दन का, आस केच्‍चस केरस अरा आसिन मंडियर हूँ, अरा आसी मसड़ा इन्ना गूटी हूँ नम्‍है मझी नू र'ई।

त‍इरकर 2:31

दाऊदस मुन्‍द तिम इदन अक्‍खस ती मसीसी उज्‍जा चो'अना ही पत्त नू एन्ने बाचस, ‘धर्मेस आसिन केचकर ही मझी नू मल अम्‍बियस अरा आसी मॆदन कित्ता मल चिच्चस।’

त‍इरकर 28:25

आर तम्‍है मझी नू ओन गुट मंजर ती असन ती केरर ख़ने, छेद्दे नू पौलुस आरिन बाचस, “नेम्‍हा बॊलतस धर्मेसी कत्‍था तिंगुस यसायास ती निम्‍है पूरखर गने ठौकम बाचकादस।

इब्रानी 3:15

एकासे का नेम्‍हा पुथी ब'ई, “इन्ना नीम आसी कत्‍थन मेनोर होले, निम्‍है जियन बेड़हा अमा नना। एकासे निम्‍है पूरखर नंजर इकला आर धर्मेसी बिड़दो नू चॊचकाचर।”