इब्रानी 4:3 - पुना गच्छरना NT (BSI)

³ लिकिन नाम गा पत्त'ऊ आलत मंजकत ख़ने नाम आ ख़न्न ऎख़्रना अड्डा नू कोरदत। अरा नॆ मल पत्ताचर आर ही पत्त नू धर्मेस एन्ने बाचस, “ऎन गोसा मंजकन ती किरया मोक्‍कन, ‘आर एंग्‍है ख़न्न ऎख़्रना अड्डा नू कहियों मल कोर'ओर।’” अन्नु हूँ धर्मेस सौंसेन गढ़ना ही बेड़ा नुम ई ख़न्न ऎख़्रना अड्डा सपड़ारत'अरकी उइरकी र'ई।

इब्रानी 4:3 ပူးပေါင်းရင်းမြစ်များ

मत्तायोस 13:35

औंगे ईद ती धर्मेसी कत्‍था तिंगुसी बाचका कत्‍था पूरा मंजा। एकासे का, “ऎन जोक्‍खा ख़ीरी गुट्ठी ती आलारिन ब'ओन, अरा ऎन ख़ॆख़ेल ही गढ़ना ती नूख़्रका कत्‍था गुट्ठिन दहदर ननोन।”

मत्तायोस 25:34

तहाँ ऎन बॆलन एंग्‍‍है तीना पक्‍खे ता आलारिन ब'ओन, ‘अना एंग्‍है बंगासी आसीस ख़क्‍खका आलारो, बरा, आ राजी ही अदिया ननू मना कला, एकदा हुल्‍लो ती निमा सपड़ाचका र'ई।

इफेसुस 1:4

नाम आसी ऎरना नू नेम्हा अरा बिगर बदी र'आ गे ख़ॆख़ेल ही गढ़्रना ती मुन्द दिम आस नमन मसीस नू चज्जियस। आस तंग्है चोन्‍हा ही चड्डे

इब्रानी 3:11

औंगे धर्मेस गोसा मंजस ती किरया मोक्‍खस, ‘आर एंग्‍है ख़न्न ऎख़्रना अड्डा नू कहियों मल कोर'ओर।’”

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

इब्रानी 9:26

अन्ने चाड़ रहचा होले, ख़ॆख़ेल गढ़्रका ती आस गे घड़ी घड़ी दुक्‍खे चॊदना मनो दने। लिकिन अक्‍कु सौंसे ही छेद बेड़ा नू आस ओंग्‍होन लेका तंगन खे'अना ही दाँड़े ती पाप गुट्ठिन ओथ्र'आ गे दहदर मंजकादस।

1 पतरस 1:20

आस ख़ॆख़ेल गढ़्रना ही मुन्द तिम चाजरकाचस। लिकिन इबड़ा मुंजा ता बेड़ा गुट्ठी नू निमा गे दहदर मन्तारकादस।