इब्रानी 4:2 - पुना गच्छरना NT (BSI)

² एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।

इब्रानी 4:2 ပူးပေါင်းရင်းမြစ်များ

त‍इरकर 13:46

पौलुस दरा बरनबास बिगर एल्‍चम बाचर, “ईद चाड़ रहचा का मुन्‍द निमा गे धर्मेसी कत्‍था तेंगना रहचा, लिकिन नीम इदिन मल इंझ्रदर, अरा नीम निमन मुंजा मलका उज्‍जना ख़क्‍खना जॊगे मल बुझुरदर। औंगे ऎम अक्‍कु इदिन नन-यहूदीरिन तेंगदम।

त‍इरकर 3:26

धर्मेस निमन ओर्मारिन निम्‍है मलदौ नलख ती किर्त'आ गे अरा बरकत नना गे आस तंग्‍है जॊंख़स येसुसिन इजताचस ती निम्‍है गुसन मुन्‍द त‍इय्यस।”

रोमी 2:25

नीम खतना मंजका चड्डे नीम पत्त'अदर का नीम धर्मेस ती चजरकादर। नीन धर्मेसी पॆसकन पॆस्रदय होले गा खतना ही नफा र'ई। लिकिन नीन पॆसकन मल पॆस्रदय होले, निंग्‍है खतना बिगर खतना ही लेक्‍खा मनी।

रोमी 3:3

जोक्‍क यहूदीर धर्मेसिन मल पत्ताचकर। होले ईर ही मल पत्त'अना ती धर्मेस तंग्‍है गच्छरका आबोन अम्‍बोस चि'ओस का?

1 कोरिन्‍थ 13:3

अरा ऎन एंग्‍है उर्मी खुर्जिन कीड़र गे चि'अदन, अरा एंग्‍है मॆदन बस्‍सा गे चि'अदन, लिकिन एंग्‍है नू चोन्‍हा मलकी होले, इत्रु एंगा एन्‍द्रा हूँ नफा मल्‍ला।

गलातिया 3:2

ऎन निम्‍है ती ओन्‍टा कत्‍था ही पत्त नू अख़'आ बेद्ददन का एकासे नेम्‍हा बॊलतासिन नीम इंझ्रकर? मूसासी नॆगन नन्ना ती निमा गे बॊलतस ख़क्‍ख्रस का महले नीम मेंजका येसु मसीसी दौ कत्‍थन पत्त'अना ती ख़क्‍खरस का?

गलातिया 3:8

नेम्‍हा पुथी नू मुन्‍द तिम लिख्रकी र'ई, “धर्मेस पत्त'अना ती नन-यहूदीरिन उजगो आल कम'ओस। औंगे आस अब्राहमस गे ई दौ कत्‍थन मेन्ताचस, ‘उर्मी आलर निंग्‍है ती आसीस ख़क्‍खोर।’”

गलातिया 4:13

नीम अख़दर का ऎन निम्‍है मझी नू पहिल खेप दौ कत्‍था तेंगा गे बरचकन, आ बारी ऎन कोड़े मल रहचकन।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

1 थेस्‍सलोनिकॆयर 2:13

ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

1 तीमोथियुस 4:8

कया ही हेबाब'अना ती जुक्‍कि धार'ई, लिकिन महबा उर्मी कत्‍था नू धार'ई। ईद ख़ॆख़ेल ता अरा जनमजुग ता उज्‍जनन गच्‍छर'ई।

इब्रानी 11:6

बिगर पत्त'अना ती धर्मेसिन नॆ हूँ इकला हूँ रिझ्रत'आ पोल्‍लोर। एन्‍देरगेका धर्मेस गुसन बरना आलर पत्त'अना र'ई का धर्मेस र'अस अरा आस तंगन बिद्दू आलर गे इनाम चि'ओस।

इब्रानी 3:12

अना भ‍ईरो! नीम चिहुंक र'आ। निम्‍है ती नॆखा हूँ मलदौ अरा मल पत्त'अना ही जिया अम्‍बन मना, एकदा निमन उज्‍जना धर्मेस ती तरकूटी ननो।

इब्रानी 4:6

मुन्‍द ता बेड़ा नू मेन्‍तारका आ दौ कत्‍थन नॆ मेंजर आर तम्‍है मल पॆस्रना ती ख़न्न ऎख़्रना अड्डा नू मल कोरचर। अन्‍नु हूँ जोक्‍क आलर अइय्या कोर'आ गे ईद धर्मेस ती उइर ख़च्चरकी र'ई।

याकॊब 1:21

औंगे उर्मी मदहे ही सोतबोड़'आ अरा मलदौ नलखन निम्है उज्जना ती तरकूटी नना ती निम्है जिया नू धर्मेसी चाँख़का कत्‍था आबोन लुदऊ ती इंझ्र'आ। आ कत्था निम्‍है जियन नाड़ा गे सवंगिय र'ई।

1 पतरस 1:12

आर गे तेंगतारा केरा का इबड़ा कत्था गुट्ठी तम्है उज्जना बेड़ा नू मल मनो, लिकिन बग्गे चाँन ही ख़ॊख़ा निम्है बेड़ा नू मनो। अरा मेर्ख़ा ती तइरका नेम्हा बॊलतासी सवंग ती निमा गे दौ कत्था तिंगुर ती अक्कुन ई दौ कत्था मेन्तारकी र'ई। ईद कोड़हे बॆस हवे का मेर्ख़ा पैकर हूँ इबड़ा कत्‍था गुट्ठी मन्नन ऎरा गे चिबाख़ारनर।