इब्रानी 4:1 - पुना गच्छरना NT (BSI)

¹ धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

इब्रानी 4:1 ပူးပေါင်းရင်းမြစ်များ

मत्तायोस 24:48

लिकिन आ मलदौ जॊंख़स तंग्‍है उर्बस दीरी ती बर'ओस ब'अरकी तंग्‍है जिया नू ब'ओस

त‍इरकर 3:19

औंगे नीम जियन किर्त'आ, होले धर्मेस निम्‍है उर्मी पापन छमा ननोस।

रोमी 11:20

मानिम दिम हिके। अबड़र मल पत्त‍'अना चड्डे खंडरकी तरकूटी नन्तारकी र'ई, अरा नीम पत्त'अना ही जोर ती दिम अक्‍कु गूटी बड़ियर र'अदर। औंगे ई चड्डे अमा फुल‍ई नना लिकिन चिहुंक र'आ।

रोमी 3:23

एन्‍देरगेका ओर्मर पाप नंजका र'अनर अरा धर्मेसी महबा ही जॊगे मल र'अनर।

1 कोरिन्‍थ 10:12

औंगे एका ओर्तस सोचदस का आस बड़ियर इज्‍जकादस, आस चिहुंक र'अन नेकअन का अम्‍बोस खत्र'आ।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

गलातिया 5:4

नीम नॆग ती उजगो मना गे चिहुट मन्‍दर होले, मसीस ती तरकूटी मन्‍दर अरा धर्मेसी मया आबोन एब्‍सका चिच्‍चकादर।

2 तीमोथियुस 2:13

नाम आस गे मानिम गने मल र'अदत अन्नु हों आस नमा गे मानी गनेम र'ओस। एन्‍देरगेका आस तंग्‍है गच्छरकन अम्‍बा पोलदस।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

इब्रानी 13:7

निमन धर्मेसी कत्‍था सिखाबाचका निम्‍है कड़हाब'उरिन सुरता नना। अरा आर तम्‍है उज्‍जना नू एकासे उज्‍जालियर अदन सुरता नना। अरा आर एकासे पत्ताचर ‍अन्ने नीम हूँ पत्त'आ।

इब्रानी 3:11

औंगे धर्मेस गोसा मंजस ती किरया मोक्‍खस, ‘आर एंग्‍है ख़न्न ऎख़्रना अड्डा नू कहियों मल कोर'ओर।’”

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

इब्रानी 4:9

औंगे ईद ईद'ई का धर्मेसी आलर गे ओन्‍टा मुद्ध ख़न्न ऎख़्रना बेड़ा धर्मेस ती उइर ख़च्चरकी र'ई।