इब्रानी 3:7 - पुना गच्छरना NT (BSI)

⁷ औंगे एकन्ने नेम्‍हा बॊलतस ब'अदस, “इन्ना नीम आसी कत्‍थन मेनोर होले,

इब्रानी 3:7 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 22:43

आस आरिन में‍जस, “होले दाऊदस नेम्‍हा बॊलतस नू मन्‍दस ती आसिन एन्‍देरगे उर्बस ब'अदस। एकासे का,

मरकुस 12:36

दाऊद नेम्‍हा बॊलतस नू मनरकी बाचस, ‘धर्मे उर्बस एंग्‍है उर्बासिन बाचस का, नीन एंग्‍है तीना पक्‍खे ओक्‍करकी एंग्‍है गने राजी नना, ऎन निंग्‍है बैरीरिन नास नंज ख़च्‍चोन।’

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 10:27

एंग्‍है भेंडो एंग्‍है सड़न मिनी। ऎन अबड़न अख़दन, अरा अबड़ा एंग्‍है गने गुड़ियार'ई।

यॊहनस 10:3

आस गे बली ख़ापुस बलिन तिसगदस चि'अदस। अरा आसी भेंडो आसी सड़न मिनी। अरा आस तंग्‍है भेंडोन नामे पिंजदस ती मॆख़दस, अरा अबड़न बहरी कड़हाब'अदस।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

त‍इरकर 1:16

“अना भ‍ईरो, नेम्‍हा पुथी ता लिख्रका मन्ना चाड़ रहचा, आद नेम्‍हा बॊलतस दाऊदसी ब‍ई ती येसुसिन हॆंरका आलर गे कड़हाब'ऊ रहचका यूदसी पत्त नू मुन्‍द बाचका रहचस।

त‍इरकर 28:25

आर तम्‍है मझी नू ओन गुट मंजर ती असन ती केरर ख़ने, छेद्दे नू पौलुस आरिन बाचस, “नेम्‍हा बॊलतस धर्मेसी कत्‍था तिंगुस यसायास ती निम्‍है पूरखर गने ठौकम बाचकादस।

त‍इरकर 8:29

बॊलतस फिलिप्‍पोसिन बाचस, “कला ती रन्‍‍थ गने ऎका।”

इब्रानी 10:15

अरा नेम्‍हा बॊलतस हूँ नमन इबड़ा ही पत्त नू गोवाह चि'अदस। आस गा ब'अदस,

इब्रानी 3:13

लिकिन एका गूटी “इन्ना” ता उल्‍ला र'ई आ गूटी नीम उर्मी उल्‍ला ओर्त ओर्तारिन रिझाब'आ, होले नॆ हूँ पाप ही फन्‍दा नू बझ्र'ओर ती धर्मेसी बिड़दो नू बेड़हा मल मनोर।

इब्रानी 3:15

एकासे का नेम्‍हा पुथी ब'ई, “इन्ना नीम आसी कत्‍थन मेनोर होले, निम्‍है जियन बेड़हा अमा नना। एकासे निम्‍है पूरखर नंजर इकला आर धर्मेसी बिड़दो नू चॊचकाचर।”

इब्रानी 4:7

औंगे धर्मेस ईद गे ओन्‍टा नन्ना उल्‍लन ओक्‍ताचस, इदिन दिम “इन्ना” एन्ने ब'अदस। एन्‍देरगेका यहोसुस इस्राऎल आलारिन ख़न्न ऎख़्रना अड्डा नू मं‍खिकाचस होले, धर्मेस बग्‍गे बेड़ा ही ख़ॊख़ा नन्ना उल्‍ला ही पत्त नू मल तिंका र'ओस दने। औंगेम गा आस नगदे चान ख़ॊख़ा दाऊदस ती बाचस, एकासे मुन्‍द बारकी र'ई, “इन्ना नीम आसी कत्‍थन मेनोर होले, निम्‍है जियन बेड़हा अमके नना।”

इब्रानी 9:8

इत्रु नेम्‍हा बॊलतस इदन नमा गे ऎद्ददस का एका गूटी मुन्‍द ता नेम्‍हा कोहाँ कुम्‍बा ब‍उर'अना नू र'ई आ गूटी मेर्ख़ा ता कोड़हे नेम्‍हा अड्डा ही डहरे मल तिसग्र'ई।

2 पतरस 1:21

एन्देरगेका धर्मेसी कत्था तिंगुर ती बाचका ख़ॊख़ा मन्ना कत्था इकला हूँ आलर ही मने ती मल्ला मंजका। लिकिन आलर नेम्हा बॊलतासी कड़हाब'अना ती धर्मेसी कत्थन तिंगियर।

दहदर मंजका कत्‍था 3:20

ऎरा, ऎन बली मुन्दहारे इज्‍जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्‍है गने ओनोस मॊख़'ओस।