इब्रानी 3:5 - पुना गच्छरना NT (BSI)

⁵ मूसस धर्मेसी आलर नू ओन्‍टा पत्त'अना जॊगे जॊंख़स रहचस। अन्नेम आस बरना उल्‍ला नू दहदर मन्ना ही पत्त नू गोवाह चि'उस रहचस।

इब्रानी 3:5 ပူးပေါင်းရင်းမြစ်များ

मत्तायोस 24:45

नॆ लूरगर अरा असरा जॊगे जॊंख़स र'अदस। उर्बस आसिन नन्ना जॊंख़र गे ठौका बेड़ा नू तम्‍है ओन्ना-मॊख़नन चि'आ गे असरा नन्‍दस, फिन आस डहरे ऎका गे कालदस।

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

लू‍कस 24:27

ख़ने आस मूसस अरा ओर्मा धर्मेसी कत्‍था तिंगुर तंग्‍है पत्त नू लिखचका ओर्मा कत्‍थन आर गे बुझाबाचस।

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

त‍इरकर 28:23

ख़ने आर पौलुस गे ओन्‍टा उल्‍ला ओकताचर। अउला नगदे आलर पौलुस डेरा नंजका अड्डा नू जुम्मरर। आस पैरी ती पुतबीरी गूटी धर्मेसी राजी ही पत्त नू फरीफरी आर गे तिंगियस। अरा आस मूसासी नॆग ती अरा धर्मेसी कत्‍था तिंगुर ही पुथी ती येसु मसीसी पत्त नू तेंगना ती आर येसुसिन पत्त'आ गे चिहुट नंजस।

त‍इरकर 7:37

ई मूसस दिम इस्राऎल आलारिन बाचस, ‘धर्मेस निम्‍है मझी ती एंग्‍है लेक्‍खा ओन्‍टा धर्मेसी कत्‍था तिंगुसिन निमा गे चॊद'ओस।’

रोमी 3:21

अक्‍कु बिगर पॆसका ती नमन धर्मेसी ऎरना नू उजगो मना गे धर्मेस डहरे ऎद्ददस। इदगे मूसासी पॆसका अरा धर्मेसी कत्‍था तिंगुर ही कत्‍था हूँ गोवाह र'ई।

1 कोरिन्‍थ 4:2

अरा एन्ने नलख ख़क्ख्रका ओर्तस मुन्‍द तंगन पत्त'अना जॊगे आलस एन्ने ऎदना मनी।

1 तीमोथियुस 1:12

ऎन नम्‍‍है उर्बा मसी येसुस गे धन्‍यवाद चि'अदन, एन्‍देरगेका आसिम एंगा सवंग चि'अरकी एंगन पत्त‍'अना जॊगे ब'अरकी तंग्‍है नलख नू उइय्यस।

इब्रानी 1:1

चिरान नू धर्मेस गा घड़ी घड़ी अरा नन्ना नन्ना घत ती नम्‍है पुरखारिन धर्मेसी कत्‍था तिंगुर ती बाचका रहचस।

इब्रानी 3:2

एकासे मूसस धर्मेसी उर्मी आलारिन कड़हाब'अना नू पत्त'अना जॊगे आल रहचस, अन्नेम येसुस हूँ तंगन ओक्‍ताचका धर्मेस नू पत्त'अना जॊगे रहचस।

इब्रानी 3:4

एन्‍देरगेका उर्मी एड़पा एकअम ओर्त ओर्तर ती कमतार'ई। लिकिन उर्मी जिनिसन कम'उस धर्मेस हिकदस।

इब्रानी 8:5

आर मेर्ख़ा नू र'ऊ नेम्‍हा अड्डा ही रूप नू अरा ऎख़ ही लेक्‍खा इसन र'ऊ नेम्‍हा अड्डा नू सुसर नन्नर। मूसस गा नेम्‍हा कोहाँ कुम्‍बा कम'आ गे सपड़ारना नू रहचस ख़ने, आस गे धर्मेस ती एन्ने चेताब'अना ख़क्‍ख्रा का, “ऎरा, एका नमुना निंगा परता नू ऎदका रहचकन अदही लेक्‍खम उर्मिन कम'आ गे चिहुंक र'आ।”

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।

दहदर मंजका कत्‍था 15:3

अरा आर धर्मेसी जॊंख़स मूसासी डंडीन अरा भेंडो ख़द्द मसीसी डंडीन पाड़ियर, “अना उर्मी ती सवंगिय धर्मे उर्बायो, निंग्‍है नलख गुट्ठी कोहाँ अरा अजगुत र'ई। जुग गुट्ठी ही बॆलायो, निंग्‍है डहरे गुट्ठी उजगो अरा मानिम र'ई।