इब्रानी 3:1 - पुना गच्छरना NT (BSI)

¹ औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

इब्रानी 3:1 ပူးပေါင်းရင်းမြစ်များ

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 20:27

तहाँ आस तॊमासिन बाचस, “निंग्‍है अंगठिन इसन सज'आ, अरा एंग्‍है ख़ेक्खा गुट्ठिन ऎरा, अरा निंग्‍है ख़ेक्खन एंग्‍है पंजर नू सज'आ। अरा मल पत्त'ऊ अमा मना, लिकिन पत्त'ऊ मना।”

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

रोमी 11:17

दौ जैतून मन्न ती जोक्‍क डाड़न एस'अरकी तरकूटी नन्‍तारकी किरकी र'ई। अरा नीम नन-यहूदीरो! जंगली जैतून ही डाड़ा हिकदर, अदही अड्डा नू कलम नंजका हिकदर। अरा दौ जैतून ही पादा ती बर'ऊ अदही उज्‍जना ही रासी ही हिसा मंजकर।

रोमी 15:27

आर इदिन नना गे रिझ्रर, अरा आर इदिन नना गे मानिम नू आर ही नहड़ा हूँ र'अनर। एन्‍देरगेका नन-यहूदीर यहूदीर ही बॊलता बरकत गुट्ठिन खटरर, होले आर गे तम्‍है ढिबा खुरजी गुट्ठी ती यहूदीर गे सहाड़ा नन्ना र'ई।

रोमी 15:8

ऎन ब'अदन का एका गच्‍छरका गुट्ठिन धर्मेस यहूदी पूरखर गे चिच्का रहचस अबड़न पूरा नना ती मसीस धर्मेसी पत्त'अना जोगेन ऎद'आ गे यहूदीर ही जॊंख़ मंजस।

रोमी 9:24

ऎम हूँ एन्ने मॆख़रका आलम र'अदम। यहूदीर ती लेका मला नन-यहूदीर गुट्ठी ती हूँ एमन आस मीख़का र'अदस।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 10:17

नाम ओर्मत आ ओन्‍टे असमन ख़ट्टरदत, ई चड्डे नाम बग्‍गेम र'अदत, अन्नु हूँ ओन्‍टे असमा ओन्‍टे मॆद हिकदत।

1 कोरिन्‍थ 9:23

ऎन दौ कत्‍था ही आसीस नू बटा मना गेम दौ कत्‍था ही चड्डे ऎन इबड़ा उर्मिन नन्‍दन।

2 कोरिन्‍थ 1:7

अरा निम्‍है पत्त ता एम्‍है असरा बड़ियर र'ई। ऎम अख़दम का एकासे नीम एम्‍है कलपारना नू मेस्रदर अन्नेम नीम एम्‍है जिया सालना नू हूँ मेस्र'ओर।

2 कोरिन्‍थ 9:13

निमा ई सुसर'अना नलख ती नीम निमन पुरुब मंजका र'अदर। आर धर्मेसी ओहमा ननोर, ईगेका नीम उर्मी पॆस्रना गने मसीसी दौ कत्‍थन इंझ्रकर, अरा आर ही गने अरा ओर्मर ही गने हरग जिया ती दानन ख़ट्टकर चिच्कर।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 4:4

नीम मॆख़्रकर ख़ने ओन्टे असरा गे मॆख़्रकर। अन्नेम ओन्टे गुना मॆद र'ई, अरा ओन्टे गुना नेम्हा बॊलतस र'अस।

फिलिप्‍पी 3:14

ऎन धर्मेस चि'अना इनामन ख़क्खा गे एंग्है लच्छय तरा अंड़सा गे कोड़हे चिहुट नन्दन। आ इनाम मेर्ख़ा उज्जनन ख़क्खा गेम धर्मेस एंगन मसी येसुस ती मीख़कादस।

कोलोस्से 1:12

अरा सगरो रिझ गने धर्मे बंगासी धन्‍यवाद ननोर। आसिम बिल्ली ही राजी नू धर्मेसी आलर ही आसीस नू नीम हूँ बटा मना गे निमन जॊगे कमचस।

कोलोस्से 1:22

अन्नु हूँ अक्‍कु आस तंग्‍है ख़द्दासी आल कयन खे'आ गे चिच्का ती धर्मेस निमन तंग्है गने मेसाबाचस होच्‍चस। आसी ऎरना नू निमन बिगर दगहा अरा बिगर बदी अरा नेम्हा कम'अरकी तंग्है मुन्दहारे इज्जत'आ गे दिम धर्मेस इदन नंजस।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

1 थेस्‍सलोनिकॆयर 5:27

ऎन उर्बासी मुन्‍द निंगन पॆसदन ई चिठिन उर्मी भईरिन पड़के ती मेन्‍त'अके।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

2 थेस्‍सलोनिकॆयर 2:14

धर्मेस एम्‍है दौ कत्‍था ती नम्‍है उर्बस येसु मसीसी महबा नू मेस्र'आ गे निमन मीख़ियस।

1 तीमोथियुस 6:12

एकासे बॆस सैनस तंग्‍है लड़ाइन लड़दस अन्ने नीन पत्त'अना ही दौ अरबानखर'आ अरा जनमजुग ही उज्‍जनन धर'आ। इदगेम नीन मॆख़रकादय, अरा बग्‍गे गोवाह आलर ही मुन्‍दहारे निंग्‍है पत्त'अनन बॆस ऎदकादय।

1 तीमोथियुस 6:2

अरा पत्त'ऊ उर्बर ही किइय्या ता बिट्ठी ननू जॊंख़र तम्‍है उर्बर पत्त'ऊ र'अना चड्डे आरिन जुक्‍किम म‍ईन अम्‍बोर नना। आर गे अउर हूँ बग्‍गे म‍ईन मरजात नन्ना र'ई। एन्‍देरगेका आर पत्त'ऊ आलारिन संगरा अरा चोन्‍हा नन्नर। इबड़ा कत्‍थन नीन कलीसियन सिखाब'आ अरा बुझाब'आ।

2 तीमोथियुस 1:9

धर्मेस दिम नमन नाड़ियस ती नेम्‍हा उज्‍जा गे मीख़कादस। आस इदन नम्‍है नलख ती मला लिकिन आसी चीता बूता अरा मया ती चिच्‍चस। ई मया ऒड़ ती मुन्‍द मसी येसुस ती नमा गे मंजकी र'ई।

2 तीमोथियुस 2:7

ऎन एन्‍देर ब'अदन अदही पत्त नू सोच'आ। एन्‍देरगेका इबड़ा कत्‍थन बुझ्र'आ गे उर्बस लूर चि'ओस।

इब्रानी 10:19

औंगे अना भ‍ईरो! मेर्ख़ा ता कोड़हे नेम्‍हा अड्डा नू नमा कोर'आ गे येसुस तंग्‍है मॆद लेक्‍खा ता परदा नू मन्नुम ती तंग्‍है खे'अना ती ओन्‍टा पुना अरा उज्‍जना ही डहरेन नमा गे तिसिगका र'अस। आ डहरे ती असन कोर'आ गे आसी ख़ॆंस ती नमा गे डिढ मनी।

इब्रानी 10:21

अरा आस नम्‍है कोहाँ नैगस र'अना ती आस धर्मेसी एड़पा ता आकुस ननुस र'अस।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

इब्रानी 13:22

अना भ‍ईरो! ऎन जुक्‍की दिम निमा गे लिखचका ई चेताब'अना ही कत्‍थन नीम इंझ्र'आ गे गोहरारदन।

इब्रानी 2:11

येसुस एकास आलारिन नेम्‍हा नन्‍दस अरा नॆ नेम्‍हा नन्‍तारनर, अबड़ा ओर्मर ही बंगस ओन्‍टेम र'अदस। औंगे येसुस गे आरिन तंग्‍है भ‍ई ब'आ गे लज्‍जे मल मनी।

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 3:12

अना भ‍ईरो! नीम चिहुंक र'आ। निम्‍है ती नॆखा हूँ मलदौ अरा मल पत्त'अना ही जिया अम्‍बन मना, एकदा निमन उज्‍जना धर्मेस ती तरकूटी ननो।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

इब्रानी 6:20

एन्‍देरगेका असन येसु मसीस नम्‍है ती मुन्‍द नमा गे केरका र'अदस। आस मेलख़िसेदेक लेक्‍खा उर्मी उल्‍ला गे नम्‍है कोहाँ नैग मंजका र'अदस।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

इब्रानी 7:28

मूसासी नॆग गा पपहर लेक्‍खा पयहा आलारिन कोहाँ नैग उकत'ई। लिकिन ई नॆग ही ख़ॊख़ा बरचका धर्मेसी किरया ही कत्‍था गा जनमजुग गे पखड़ नन्‍तारका धर्मेसी ख़द्दासिन कोहाँ नैग उकत'ई।

इब्रानी 9:11

लिकिन मसीस बरना दौ आबोन चि'ऊ कोहाँ नैग मंजस ती बरचस ख़ने, आस इत्रु ती कोहाँ अरा कोड़हे पखड़ मेर्ख़ा ता कोहाँ कुम्‍बा नू कोरचकादस, एकदा आलर ही ख़ेक्खा ता कम्रका मल्‍ली अरा ई गढ़्रका सौंसे ही हूँ मल्‍ली।

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

1 पतरस 3:5

ई लेक्‍खम चिरान नू धर्मेस नू असरा उइय्का नेम्हा मुक्‍कर हूँ तम्‍है मॆतर ही आकुस नू र'आ लगियर ती तमन सिंगर'आ लगियर।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”