इब्रानी 2:9 - पुना गच्छरना NT (BSI)

⁹ लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।

इब्रानी 2:9 ပူးပေါင်းရင်းမြစ်များ

मत्तायोस 16:28

ऎन निमन मानिम ब'अदन, अक्‍कुन इसन इज्जका आलर ती जोक्‍कोर मनवा ख़द्दन ऎन बॆल लेक्‍खा किर्रनन बिगर ईरका मल खे'ओर।”

मत्तायोस 6:28

अरा किचरी डोड्डो ही पत्त नू अमा घोख'आ। ख़ल्ल ही पूंप गुट्ठी ही पत्त नू सोच'आ, अबड़ा एकासे परदी। अबड़ा नलख मल ननी अरा तमा गे किचरी मल कम'ई।

मरकुस 9:1

फिन आस चेलारिन इदन हूँ बाचस, “ऎन ओन्‍टा मुदे कत्‍थन निमन ब'अदन, अक्‍कुन इसन इज्जका आलर ती जोक्‍क आलर, धर्मेस सवंग ती राजी नन्नन बिगर ईरका मल खे'ओर।”

लू‍कस 9:27

ऎन ओन्‍टा मुदे कत्‍थन निमन ब'अदन, अक्‍कुन इसन इज्जका आलर ती जोक्को आलर, धर्मेसी राजी नन्नन बिगर ईरका मल खे'ओर।”

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 10:17

बंगस इदगे एंगन चोन्‍हा नन्‍दस का ऎन एंग्‍है जियन चि'अदन का ऎन अदिन फिन हो'आ ओंग्‍दन।

यॊहनस 12:32

अरा ऎन ख़ॆख़ेल ती मइय्याँ चॊदतार'ओन ख़ने, ओर्मा आलारिन एंग्‍है गुसन नतगोन।”

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 8:51

ऎन निमन मानिम ब'अदन, नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।”

यॊहनस 8:52

ख़ने यहूदीर आसिन बाचर, “ऎम अक्‍कुन अक्‍कम का नीन नाद ती रस्‍का आलय हिकदय। अब्राहमस केच्‍चस अरा धर्मेसी कत्‍था तिंगुर हूँ केच्‍चर। लिकिन नीन ब'अदय का ‘नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।’

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

रोमी 5:18

औंगे आदमसी ओन्‍टे लेका अक्‍का-बलका ओर्मा आलर गे खे'अना ही दंडे आबोन ओन्‍दरा। ओन्‍टा दौ नलख एकदा मसीस नंजस, ईद ओर्मा आलारिन धर्मस गने उजगो कम'आ ऊंगी। अरा ईद जनमजुग उज्‍जनन ओन्‍द्र'ई।

रोमी 5:8

लिकिन नाम पपहा र'अना बेड़ा नू मसीस नमा गे केच्‍चस। इत्रु ती धर्मेस नम्‍है म‍इय्याँ ता तंग्‍है चोन्‍हन दहदर नन्‍दस।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

2 कोरिन्‍थ 5:15

मसीस नाम ओर्मर ही बदली नू केच्चस, ई चड्डे अक्‍कु उज्‍जालनर आर तमा गे मल उज्जना र'ई। नॆ तमा बदली नू केच्चस ती फिन उज्जा चॊचस आस गे दिम आर उज्जना र'ई।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

1 तीमोथियुस 2:6

आस तंगन ओर्मा आलारिन नाड़रना ही दामे नू चिच्‍चस, ई कत्‍था दिम धर्मेस ती आलर गे ठौका बेड़ा नू चितारा।

इब्रानी 1:9

नीन उजगो आबोन चोन्‍हा नन्‍दय अरा मलदौ आबोन ख़ाँड़दय। औंगे धर्मेस, निंग्‍है धर्मेस निंगन निंग्‍है संगेर ही मझी ती चज्‍जियस अरा आस निंगन बग्‍गे रिझ गने भिने नंजस।”

इब्रानी 10:5

इदगेम येसुस ख़ॆख़ेल नू बरना बेड़ा नू धर्मेसिन बाचस, “दाँड़े अरा दान गुट्ठिन नीन मल बिद्दकय, लिकिन एंगा गे ओन्‍टा मॆदन दाँड़े अरग'आ गे सपड़ाचकय।

इब्रानी 11:5

पत्त'अना ती हेनॊख़स अम्‍बोस खे'आ बाचस ती उज्‍जना मेर्ख़ा चॊदस होच्‍चस। धर्मेस आसिन होच्‍चस ख़ने आस मल ख़क्‍खरस। आस धर्मेस ती होच्‍का ती मुन्‍द आस धर्मेस गे पत्तार'ऊ आलस एन्ने बॆस गोवाह ख़क्‍खियस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 2:7

जुक्‍किम गे नीन आसिन मेर्ख़ा पैकर ती सन्नी कमचकय, आसिन महबा दरा म‍ईन आबोन टुपरी अत्ताचकय।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

इब्रानी 8:3

उर्मी कोहाँ नैगर दान गुट्ठिन अरा दाँड़े गुट्ठिन अरग'आ गे ओक्‍तारकानर। ई चड्डे नम्‍है कोहाँ नैगस गे हूँ इन्द्रिइम अरग'आ गे चाड़ र'ई।

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।

1 यॊहन 2:2

अरा आसिम नम्है पाप गुट्ठिन ओथ्रना ही दाँड़े हिकदस, नम्है पाप गुट्ठिन लेका मला सौंसे ख़ॆख़ेल ता आलर ही पाप गुट्ठिन ओथ्रना दाँड़े हिकदस।

दहदर मंजका कत्‍था 19:12

आसी ख़न्न चिच्‍ची ही लघरना बेसे रहचा, अरा आसी कुक्‍कु नू अजम बग्‍गे बॆल-मुकुट रहचा। अरा आसी मइय्याँ ओन्टा नामे लिख्रकी रहचा, एकदन आसिन अम्‍बर नॆ हूँ बलनर।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।