इब्रानी 2:4 - पुना गच्छरना NT (BSI)

⁴ धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

इब्रानी 2:4 ပူးပေါင်းရင်းမြစ်များ

मरकुस 16:20

अरा चेलर उरखरकी उर्मी अड्डा नू दौ कत्‍थन मेन्‍ताचर। अरा उर्बस आरिन अकबक नलख नन्‍त'अना नू आर ही गने नलख ननालियस। इबड़ा नलख गुट्ठी ई कत्‍थन मानिम साबित नंजा।] आमेन।

मरकुस 6:14

हॆरॊदॆस अंटिपस बॆलस येसुसी हलन मेंजस, एन्‍देरगेका अजम आलर आसी पत्त नू कछनख्र'आलियर। जोक्‍कोर ब'आलियर, “यॊहन नूड़रत'उस केचका ती उज्‍जा चॊदतारकादस, आस इसन किर्रकादस, औंगेम ईस गे इबड़ा अकबक नलख नना गे धर्मेसी सवंग र'ई।”

यॊहनस 15:26

सालत'उस निम्‍है गुसन बर'ओस। आसिन ऎन बंगस तरती निम्‍है गुसन तइय्योन। आस बंगस गुस्‍ते बरदस अरा मानिमन दहदर ननू नेम्‍हा बॊलतस हिकदस। एकाबारी आस बर'ओस, आ बारी एंग्‍है पत्त नू गोवाह चि'ओस।

यॊहनस 4:48

ख़ने येसुस आसिन बाचस, “नीम गा चिन्‍हा अरा अजगुत नलख गुट्ठिन बिगर ईरका इक्‍ला हूँ मल पत्त'ओर।”

त‍इरकर 14:3

पौलुस अरा बरनबास बग्‍गे उल्‍ला गूटी असन रहचर अरा डिढ गने उर्बस येसुसी पत्त नू तेंगा लगियर। उर्बस हूँ आर ती चिन्‍हा अरा अजगुत नलख गुट्ठी ऎद'आ गे आर गे सवंग चिच्‍चस ती आर ही कत्‍थन मानिम ऎदस।

त‍इरकर 4:10

नीम ओर्मर अरा इस्राऎल ही उर्मी आलर इदिन अक्‍का र'आ का नासरेत ता येसु मसीसी सवंग ती ई आलस कोड़े मंजस ती निम्‍है मुन्‍दहारे इज्‍जका र'अदस। नीम गा येसुसिन क्रुस नू ठोकचकर, लिकिन धर्मेस आसिन केचका आलर ती उज्‍जताचस चॊदस।

त‍इरकर 5:32

ऎम इबड़ा कत्‍था ही गोवाह हिकदम, अरा धर्मेस तंगन पॆस्र'उर गे चिच्का नेम्‍हा बॊलतस हूँ गोवाह र'अदस।”

इफेसुस 1:5

नमन येसु मसीस ती आसी गोद उइय्का ख़द्द मना गे मुन्द दिम ओकताचस। आस इदन तंग्‍है चिताबुता ती अरा तंग्है मने ती नंजस।

इफेसुस 1:9

आस तंग्‍है चिताबुता ही गम आबोन नमा गे चलख़स। आद आस तंग्है दौ मने ही लेक्खा तान मसीस नू नन्ना चिताबुता रहचा।

इफेसुस 4:7

लिकिन मसीस एका बग्गे मया चि'आ बिद्दियस आ बग्‍गेम नाम ओर्त ओर्त गे बॊलता ही इनाम आबोन ख़क्‍खका र'अदत।

इब्रानी 6:4

एन्‍देरगेका नॆ ओंग्‍होन धर्मेसी बिल्‍ली नू रहचकर अरा धर्मेसी आसीस आबोन अगमाचकानर अरा तम्‍है बटा ही नेम्‍हा बॊलतासिन ख़क्‍खकानर,