इब्रानी 2:3 - पुना गच्छरना NT (BSI)

³ औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।

इब्रानी 2:3 ပူးပေါင်းရင်းမြစ်များ

मत्तायोस 23:33

अना नेर्रे अरा करैत गुट्ठी लेक्‍खा बिक्‍ख ती निन्‍दका आलारो, नीम नरक ही मुंजा मलका दंडे ती एकासे बछ्र'ओर?

मत्तायोस 4:17

आ बेड़ा ती येसुस तेंगा कुद्दा हेलरस, “जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मरकुस 1:14

हॆरॊदॆस बॆलस यॊहनसिन जेहेल नू स‍जताचस। अदही ख़ॊख़ा येसुस गलिलेया जिला नू केरस अरा धर्मेसी पत्त नू दौ कत्‍थन मेन्‍त'अना बारी रहचस।

लू‍कस 1:2

एकदन ऒरे तिम इबड़ा कत्‍थन मेंजका आलर अरा धर्मेसी कत्‍थन तिंगू आलर एकासे ऎम पत्त‍'ऊ आलर गे तेंग्‍रा अन्नेम आर लिखचर।

लू‍कस 1:69

आस तंग्‍है जॊंख़स दाऊद बॆलासी बनस ती ओन्‍टा सवंगिय नाड़ुसिन त‍इय्‍कादस।

लू‍कस 24:19

अरा आस आरिन मेंजस, “एन्‍देर कत्‍था?” आर बाचर, “नासरेत ता येसुसी पत्त नू। आस धर्मेसी अरा ओर्मा आलर ही मुन्‍दहारे नलख नू अरा ब'अना नू कोड़हे सवंगिय धर्मेसी कत्‍था तिंगुस रहचस।

यॊहनस 15:27

अरा नीम हूँ एंग्‍है पत्त नू गोवाह चि'अना र'ई, एन्‍देरगेका ऒड़ तिम नीम एंग्‍है गने रहचकादर।

त‍इरकर 1:22

आस येसुस यॊहनस ती नॊड़रस ती मेर्ख़ा होतारना गूटी एम्‍है गने रहचका आलर ती ओर्तोस र'अना र'ई। आस एम्‍है गने येसुसी उज्‍जा चो'अना ही गोवाह र'ओस।”

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

रोमी 11:14

एकअम ‍अन्ने ऎन एंग्‍है जातियारिन हराजीता मन्ना ती अरा ई लेक्‍खा आर ती जोक्‍कोर ही नाड़रना ही हूँ असरा नन्‍दन।

रोमी 2:3

अना आलारो, नीम मलदौ नलख ननुर ही नेंवई नन्‍दर, लिकिन नीमिम एन्ने नलख नन्‍दर। धर्मेस निमन कोड़हे चोन्‍हा नन्‍दस अरा सह‍दस अरा निमन सोग्‍गे ऎरदस। ई चड्डे नीम एन्ने सोचदर का धर्मेसी नेंवई नन्ना ती बछर'ओर? नीम गा आसी चोन्‍हा ही पत्त नू मल सोचदर अरा आसी चोन्‍हन मल बुझ्रदर का नीम जियन किर्त'आ गे धर्मेस मोका गुट्ठी चि'आलदस।

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

1 थेस्‍सलोनिकॆयर 5:3

आलर कछनख्र'ओर, “ऎम कोड़े र'अदम अरा अपलोक नू मलकम।” आ बेड़ा नू ओन्‍टा ओत्‍था ऎख़ आली गे एकासे नुंजना बर'ई अन्नेम आचका ही आर ही मइय्याँ कोहाँ सस्ती बर'ओ। आ बारी अबड़ा आलर मल बछ्र'ओर।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

तीतुस 2:11

एन्‍देरगेका धर्मेसी मया उर्मी अड्डा ता ओर्मा आलर गे नाड़रनन ओन्‍द्रा।

इब्रानी 1:1

चिरान नू धर्मेस गा घड़ी घड़ी अरा नन्ना नन्ना घत ती नम्‍है पुरखारिन धर्मेसी कत्‍था तिंगुर ती बाचका रहचस।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

इब्रानी 4:1

धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

इब्रानी 9:28

अन्नेम मसीस हूँ बग्‍गे आलर ही पाप गुट्ठिन ओथ्र'आ गे ओंग्‍होन दाँड़े मन्‍तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्‍द्र'ओस बर'ओस।

1 यॊहन 1:1

उज्जना चि'ऊ कत्था र'अदस, आसी पत्त नू ऎम निमा गे मेन्त'अदम। आस ऒर तिम रहचस। आसिन दिम ऎम मेंजकादम, अरा एम्है ख़न्न ती ईरकादम, अरा आसिन ऎम मानिम नू ईरकादम, अरा आसिन एम्है ख़ेक्खा गुट्ठी ती एंवसड़कम।

यहूदा 1:17

लिकिन अना दुलारो, नीम गा नम्है उर्बस येसु मसीसी तइरकर मुन्द दिम बाच ख़च्चिकानर अबड़ा कत्था गुट्ठिन सुरता नना।

दहदर मंजका कत्‍था 7:10

अरा आर जॊरसरिया चिच्चियारर ती ब'आलियर, “नाड़रना नम्‍है धर्मेस नॆ बॆल-गदिया नू उक्‍कादस आसी ती, अरा भेंडो ख़द्द मसीस ती बर'ई।”