इब्रानी 13:4 - पुना गच्छरना NT (BSI)

⁴ बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।

इब्रानी 13:4 ပူးပေါင်းရင်းမြစ်များ

1 कोरिन्‍थ 5:13

धर्मेस गा बहरी ता आलारिन नेंवई ननोस। लिकिन नेम्‍हा पुथी नू लिख्रका लेक्‍खा, “नीम मलदौ आलारिन निम्‍है मझी ती ओथ्रना र'ई।”

1 कोरिन्‍थ 6:18

औंगे पेहरन ही सोतरा नलख ती बोंगा। अउर नन्ना पाप एकदा आलस नन्दस, अबड़ा जम्मा पाप गुट्ठी मॆद ती बहरी मनी। लिकिन पेहरन ही सोतरा नलखन ननू आलस तंग्‍है मॆद ही बिड़दो दिम पाप नन्‍दस।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

1 कोरिन्‍थ 7:38

औंगे एकास डिंडा पेल्‍लोन बेंज्रदस, आस दौ नन्‍दस। लिकिन एकास अदिन मल बेंज्रदस, आस बॆस दौ नन्‍दस।

1 कोरिन्‍थ 9:5

नन्‍ना तइरकर अरा उर्बासी तंग्ड़िबगर अरा पतरस नन्ना लेक्‍खा एम्‍है गने पत्त'ऊ आलिन बेंज्रका ती हो'अना काना गे एमा गे अदिया मल्‍ला का?

2 कोरिन्‍थ 5:10

एन्‍देरगेका नाम ओर्मत मसीसी नेंवई बॆल-गद्दी ही मुन्दहारे इज्जना मनो। ख़ने नाम ओर्त ओर्त कया नू र'अना बेड़ा नंजका दौ मलता मलदौ ही ऊजिन ख़क्‍खोत।

गलातिया 5:19

कया ही नलख गुट्ठी गा दहदर र'ई, पेहरन ही सोतरा नलख, सोतबोड़'आ, पेहरन ही मलदौ ख़न्न,

गलातिया 5:21

डाहना, उंखना, धधारना इबड़ा ही अउर हूँ नलख र'ई। इबड़ा ही पत्त नू ऎन निमन तिगा ब'अदन, एकासे ऎन मुन्‍द तिंका चिच्‍चकादन का इबड़ा नलख ननुर धर्मेसी राजी ही आसीस आबोन मल ख़क्‍खोर।

इफेसुस 5:5

नीम इदिन अख़ना दिम र'ई का पेहरन ही सोतरा नलख ननुस महले एकअम रकम ही सोतरा नलख ननुस महले मूर्तिन ऒड़ लग्गुसी जोक्खा लोभिया मसीसी अरा धर्मेसी राजी नू काना ही आसीस आबोन मल ख़क्खोस।

1 थेस्‍सलोनिकॆयर 4:6

इबड़ा कत्‍था गुट्ठी ती नॆ हूँ तंग्‍है भईरिन अरा ताक अम्‍बोर ऎरा अरा अम्‍बोर ठक'आ। एन्‍देरगेका उर्बस इबड़ा उर्मी कत्‍थन ननुर गे दंडे चि'ऊ र'अदस। ई पत्त नू ऎम मुन्‍द तिम आनका अरा तिगाबाचका चिच्का रहचकम।

1 तीमोथियुस 3:12

कलीसिया ही ईरू-ख़ूजुर ओन्‍टे लेका मुक्‍का उइय्युर मन्नर नेक‍अन। आर तम्‍है ख़द्द-ख़र्रा अरा एड़पा पलीन बॆस लगे ऎरा ख़ॊजा उंगू मन्नर नेक‍अन।

1 तीमोथियुस 3:2

औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

1 तीमोथियुस 3:4

आस गे तंग्‍है एड़पा पलीन बॆस गने कड़हाब'उस र'अना र'ई। अरा आसी ख़द्द-ख़र्रा आसिन म‍ईन ननू अरा पॆस्र'ऊ र'अना र'ई।

1 तीमोथियुस 4:3

आर “अम्‍बोत बेंज्र'आ अरा जोक्‍क जिनिस गुट्ठिन हूँ अम्‍बोत ओना मॊख़ा” एन्ने ब'ओर। धर्मेस गा अबड़ा ओन्ना-मॊख़ना गुट्ठिन इदगे गढ़चस का मानिम आबोन अख़‍'ऊ पत्त‍'ऊ आलर अबड़न धन्‍यवाद गने ओनोर मॊख़ोर।

1 तीमोथियुस 5:14

औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।

तीतुस 1:6

सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।

इब्रानी 12:16

‍अरा नॆ हूँ भड़वा नलख अमा नना, अरा एसावस लेक्‍खा बिगर महबा आल अमा मना, एकास ओंग्‍होन ता मंडी गे तंग्‍है जेट्ठा ही अदिया आबोन बीसियस चिच्‍चस।

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।