इब्रानी 13:3 - पुना गच्छरना NT (BSI)

³ नीम गुड़रका आलारिन सुरता ननके का नीम हूँ आर ही गने गुड़रका र'अदर एन्ने सोच'आ। अरा नॆ डाहरनर आरिन हूँ सुरता ननके, नीम हूँ डाहरनर एन्ने सोच'अरकी एन्ने नना।

इब्रानी 13:3 ပူးပေါင်းရင်းမြစ်များ

मत्तायोस 25:36

ऎन लंगड़ा रहचकन नीम एंगन किचरी अत्ताचकर, ऎन बेमरहा रहचकन नीम एंगन ईरकर ख़ूजकर, ऎन जेहेल नू रहचकन नीम एंगन भेंटार'आ बरचर।’

मत्तायोस 25:43

ऎन नन-राजियन रहचकन नीम एंगन निम्‍है एड़पा नू मल ओकोरताचकर, ऎन लंगड़ा रहचकन नीम एंगन किचरी मल अत्ताचकर, अरा ऎन बेमरहा अरा जेहेल नू रहचकन नीम एंगन मल ईरकर ख़ूजकर।’

त‍इरकर 24:23

फिन आस सौ सैनर ही मुद्धासिन पॆसस “पौलुसिन जोक्‍क ढ़ील उइय्या ती ख़ापा, अरा आसी संगे मधेर ती नॆकन हूँ सुसर नन्ना ती अमके छेक'आ।”

त‍इरकर 27:3

नन्ना उल्‍ला ऎम सीदॊन अंड़सकम। अरा यूलियस पौलुसिन सोग्‍गे ईरियस, औंगे आस आसी संगेर गुसन काला गे अरा आर आस गे संगरा नना गे अम्‍बियस चिच्‍चस।

रोमी 12:15

खुसमार'ऊ आलर गने खुसमार'आ अरा चींख़ू आलर गने चींख़ा।

1 कोरिन्‍थ 12:26

अरा मॆद नू ओन्‍टा अंग गे दुक्‍खे मनी होले, अदही संगे उर्मी अंग गे दुक्‍खे मनी। अरा ओन्‍टा अंग गे मईन मनी होले, अदही गने उर्मी अंग खुसमार'ई।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

कोलोस्से 4:18

ऎन पौलुस एंग्है ख़ेक्खा ती ई मोंजरन लिखदन। सुरता नना का ऎन जेहेल नू हॆंरकादन। धर्मेसी मया निम्है नू र'अन नेकअन।

इब्रानी 10:34

अरा नीम हॆंरका आलर ही दुक्‍खे नू हूँ दुक्‍खे सारचकर। अरा इकला निम्‍है ओर्मा खुर्जी निम्‍है ती होरा, अदिन नीम रिझ गने इंझ्रकर, एन्‍देरगेका नीम अक्‍कर का इबड़ा ती कोड़हे बॆस अरा उर्मी उल्‍ला मल नठार'ऊ खुर्जी निमा गे ख़क्ख्र'ऊ र'ई।

इब्रानी 11:37

जोक्‍कोर पखना गुट्ठी ती लोड़गतारर। [जोक्‍कोर बिढ़्रतारर।] जोक्‍कोर आरी ती पलकतारर। जोक्‍कोर तलवार ती पिटतारर। जोक्‍कोर मलका नू अरा कलपारना नू अरा खिलपत सहनुम भेंडो गुट्ठी अरा ऎड़ा गुट्ठी ही चपटन कूरियर ती इत्रा अत्रा कुद्दका कुद्दियर।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।